1 Lutuŋ, sombe waem toro sa ikam mbun, mi tiwi u be mbuk sua ta kembei: “Sombe ni itunu irao be ikot som, na nio ko aŋmender pini mi aŋkot mbun kini.” Na sua mbukŋana ta kembei, kam pepe.
2 Pa ina, sua ta ipet pa itum kwom, ta ko iwe kembei kilis pu be ikeenu.
3 Tana mbotmbot pepe! Ru lem zaala sa be tatke itum pa kilis tana. Pa tomtom ta waem tana ikam mbun la kini na, nu mbotmbot la namaana kek.
4 Keene ma mbot aigule toro pepe.
5 Kozo kam kembei ŋge ta iti la pu, mi ipus ma ila ne,
6 Nu ta tomtom maolŋom na, la ma re moolo mbulu kizin mi kam ŋgar pa.
7 Zin len biibi sa be iur zin pa uraata mi ikam peeze pizin na som.
8 Tamen mazwaana ta so kini boozo imbotmbot na, tiyyo mi tindoundou lae.
9 Nu tomtom maolŋom, ŋiizi na zem keeneŋana mi maŋga?
12 Wal sananŋan ta tipasansaana mboti kizin tomtom na, kwon ambai som kat.
13 Mi lelen be tiswe mbulu mi ŋgar kizin ma ipet mat na som.
14 Lelen na, iurur pa mbulu soroksorok boozomen ta sananŋan i.
15 Tamen molo som to pataŋana biibi sa ko ipamurur zin, mi ipasaana zin ma tila len.
16 Mbulu lamata mi ta, ta Yooba leleene pa ri sa som, mi iurur koi pa.
17 Mbulu ki tapakur itundu mi matanda pasom zin tomtom,
18 mbulu tau lelende iur pa ŋgar sananŋana,
19 mbulu ki topombol sorok sua pakaamŋana ila zin bibip matan,
20 O lutuŋ, motom iŋgalŋgal tutu ta boozomen ki tomom mi toto.
21 Po sua kizin ila ndomom, mi kiskis la ŋgar ku.
22 Sua kizin irao ikam peeze pu, mi iuulu u be pa pai ku ma ambai men.
23 Tutu kizin ko iwe kembei ta kai pu be iyaara pu mi iso u pa zaala.
24 Sua kizin ko iuulu u be mbotmbot molo pizin moori zaala lwoono kan.
25 Ŋonoono, zin moori ta kembei na, ruŋgun ambaimbaiŋan. Tamen motom la pizin pepe.
26 Zin moori ta zaala lwoono kan na, kan kadon bibip som.
27 Lak, sombe tomtom sa iur namaana sala you, ko ikani som?
28 Mi sombe ipa se you keseene, ko kumbuunu ipokpok som?
29 Mi ina raraate men pa tomtom ta so ila ki tomooto toro kusiini na.
30 Sombe tomtom sa peteli ma isaana kat, mi ikam kuumbu pa ka kini,
31 Tamen sombe tindeeŋi, nako tiur sua pini be ikot koroŋ ta ni ikem na pa lamata mi ru.
32 Mi tomtom ta so ila ki tomooto toro kusiini, na ni kankaanaŋana kat.
33 Ko tipuni ma ruŋguunu isaana, mi ka miaŋ biibi kat.
34 Pa re. Sombe nu la ki tomooto toro kusiini, nako kam tomooto tana ma mataana mburmbur mi keteene malmal biibi kat.
35 Sombe toombo sua pini be ŋgiimi sosor ku, na irao ileŋu na som.