1 Ntangu yayi, mu me kuma kisakununu ya bayina me lutila munu buntwenya,
2 Yinki mu zolaka sala na lusalusu ya maboko ya bawu?
3 Nsatu, mpasi vwandaka me kondisa bawu,
4 Ba vwandaka buka matiti yina vwandaka pene-pene na mwa bayinti,
5 Ba vwandaka bingisa bawu na kati ya bantu,
6 samu ti bawu kuzinga na kati ya biswamunu ya mindimba,
7 Bawu vwandaka looka mutindu bibulu na kati-kati ya mwa bayinti,
8 Bawu kele bantu ya yimbi, bantu yina kele ve na nkumbu,
9 Ntangu yayi, mu me kuma nzimbu ya bawu,
10 Ba ke na kutala munu nganzi, ba ke na kukima munu,
11 samu ti Nzambi me katula ngolo ya munu mpe yandi me bwisa munu na ntoto,
12 Bawu me telama na lubakala ya munu mpe ke na kununguna munu,
13 Ba ke na kukanga banzila ya munu mpe ba ke na kusala nyonso samu na kubebisa munu,
14 Ba me tobola dibulu ya nene na kati ya kibaka yina ke kebaka munu,
15 Boma ya kulutila me simba munu,
16 Ntangu yayi, mwela ya munu ke na kubasika na kati ya munu,
17 Na mpimpa, mpasi ke kotilaka munu tii na mikwa,
18 Na ngolo nyonso, yandi me simba munu na kinkuti,
19 Yandi me losa munu na poto-poto,
20 Mu ke na kuyawula na sika ya nge, kasi nge ke na kupesa munu ata mvutu,
21 Nge me kuma na ntima ya ngolo na munu,
22 Nge ke na kunata munu na zulu ya mupepe mutindu mpunda,
23 Mu zaba ti nge ke na kunata munu na lufwa,
24 Kasi muntu yina zaba ti yandi ke kufwa, yandi ke nangunaka ve maboko ya yandi?
25 Mu dilaka ve samu na muntu yina vwandaka na kati ya mpasi?
26 Mu vwandaka na kivuvu ya kuzwa luzingu ya mbote,
27 Kivumu ya munu ke na kubika ve na kubaluka,
28 Mu ke na kutambula, mu me kuma ndombe,
29 Mu me kuma mutindu mpangi ya mbulu,
30 Mpusu ya nzutu ya munu me kuma ndombe,
31 Nsambi ya munu ke na kuwakisa kaka mikunga ya mafwa,