1 Na manima, Yobi tatamanaka na kutuba kingana yayi:
2 Aa, nani ke sala ti mu zinga mutindu mu vwanda na bangonda ya ntama,
3 ntangu yandi vwandaka lemisa mwinda ya yandi na zulu ya yintu ya munu,
4 Aa, ntangu mu vwandaka ntete na ngolo ya munu,
5 ntangu Nzambi-Mpungu vwandaka ntete na munu,
6 ntangu mu vwandaka sukula makulu na kati ya miliki ya kilo,
7 Ntangu mu vwandaka basika samu na kwenda na mwelo ya mbanza,
8 Bantwenya vwandaka tala munu,
9 Bakuluntu vwandaka zenga kinzonzi ya bawu,
10 Bamfumu vwandaka dingama,
11 Samu ti muntu yina vwandaka kuwa munu, vwandaka tuba kyese na munu,
12 Samu ti mu vwandaka sadisa mputu yina vwandaka dila ti ba sadisa yandi,
13 Kana muntu me kufwa, lusakumunu ya yandi vwandaka kuma ya munu,
14 Mu vwandaka lwata ludedomo mutindu kinkuti, ludedomo vwandaka lwata munu.
15 Mu vwandaka meso samu na bampofo,
16 Mu vwandaka tata samu na bamputu,
17 Na yina, mu vwandaka mwangisa mubanga ya muntu yina kele ve ya kudedama,
18 Mu vwandaka tuba mutindu yayi: «Mu ke kufwa na kati ya dizanza ya munu,
19 Myanzi ya munu ke kwenda tii na maza,
20 buzitu ya munu ke talana dyaka,
21 Ntangu yina, bantu vwandaka kuwa munu, bawu vwandaka vingila,
22 Ntangu mu vwandaka manisa na kuzonza,
23 Ba vwandaka vingila munu mutindu ba ke vingilaka mvula,
24 Ntangu mu vwandaka seka, ba vwandaka kwikila munu ve.
25 Mu vwandaka soodila bawu nzila ya kulanda,