1 Ya kele na bisika yina ba ke kwendaka baka palata,
2 Kisengo ke katukaka na yisi ya ntoto,
3 Muntu ke kyenzulaka kitombe ya kulutila,
4 Yandi ke yidikaka dibulu ya nene ntama ya kisika yina bantu ke zingaka,
5 Ntoto yina ke pesaka beto madya
6 Ni na kati ya matadi yina ba ke kuzwaka matadi ya ntalu,
7 Mbemba, zaba ve banzila ya yisi ya ntoto,
8 Bibulu ya nene ya mfinda me lutilaka kuna ve,
9 Muntu ke pasulaka ditadi ya ngolo,
10 Yandi ke fungulaka banzila na kati ya matadi,
11 Yandi ke yumisaka banzadi,
12 Ndwenga, wapi kisika ba lenda kuzwa yawu?
13 Muntu zaba ve ntalu ya yawu,
14 Dibulu ya kondwa nsuka ke tuba: «Yawu kele ve na kati ya munu.»
15 Ba lenda sobisa yawu ve na kisika ya wolo ya mbote,
16 Ba lenda fwanikisa yawu ve na ntalu ya wolo ya Ofile,
17 Yawu lenda fwanana ve na wolo to na ditadi ya ntalu yina kele mutindu kitala-tala yina ke lezimaka.
18 Yawu lenda fwanana ve na matadi ya ntalu yina ba ke bokilaka kolaye
19 Ba lenda kufwanikisa ve yawu na topaze ya Kuse,
20 Ndwenga, wapi kisika ba lenda kuzwa yawu?
21 Yawu kele ya kubumbama na meso ya bantu nyonso ya moyo,
22 Yinza ya bayina zimbanaka mpe lufwa ke tubaka mutindu yayi:
23 Ni Nzambi zaba nzila yina,
24 Samu ti ni yandi ke talaka tii na bandilu ya ntoto,
25 Yandi yidikaka ngolo ya mupepe,
26 Yandi salaka ndilu ya mvula,
27 Na yina, yandi talaka ndwenga, yandi ndimaka yawu,
28 Na manima, yandi tubaka na muntu: