1 Na manima, Yobi tatamanaka na kutuba kingana yayi:
2 Na Nkumbu ya Nzambi ya Moyo yina me manga na kunwanina munu,
3 konso ntangu yina mu ke wumuna,
4 bikoba ya munu ke zonza ve mambu yina kele ve ya kudedama,
5 Mu kele ve na dibanza ya kutuba ti beno me zonza mambu ya tsyelika!
6 Mu ke kangama kaka na kusungama ya munu mpe mu ke bika yawu ve.
7 Bika ti mbeni ya munu ba sala yandi mutindu ba ke salaka na muntu ya yimbi!
8 Wapi kivuvu lenda vwanda na muntu ya yimbi,
9 Nzambi ke kuwaka kuyawula ya muntu ya yimbi,
10 Yandi ke yangalala na Nzambi-Mpungu?
11 Mu ke longisa beno mutindu lulendo ya Nzambi ke salaka,
12 Beno nyonso, beno talaka yawu.
13 Kikunku yina Nzambi me kubika samu na muntu ya ntima ya yimbi,
14 Kana yandi ke na bana mingi, bawu ke kufwa na mbele ya mvita
15 Bayina ke bikana moyo, ke manisa na kufwa na kiyoolo
16 Kana yandi kuma na palata mingi mutindu fundu-fundu,
17 yandi kutikisa ya yandi.
18 Yandi ke tunga yinzo yina kele ve na ngolo mutindu yinzo ya nkala-bumi,
19 Yandi ke lala na bimvwama ya yandi,
20 Boma ya kulutila ke pamusa yandi mutindu bimpo ya maza,
21 Mupepe yina ke katukaka na esete ke nanguna yandi mpe ke nata yandi,
22 Ba ke losila yandi madyonga ata kutala yandi kyadi,
23 Ba ke bula maboko, samu na kubwa ya yandi,