1 Na yina, Yobi tubaka:
2 Tii wapi ntangu beno ke nyongisa munu,
3 Ya me kuma bambala kumi yina beno ke na kufingaka munu,
4 Kana mu landaka nzila ya yimbi,
5 Kana ya tsyelika beno ke na kutelemina munu,
6 beno fwana kuzaba ti, ni Nzambi ke na kutalisa munu mpasi,
7 Kana mu zonzila mambu ya ngolo yina mu ke na kutala, ata muntu ke pesa munu mvutu.
8 Yandi me kanga munu nzila, mu lenda luta dyaka ve,
9 Yandi me katula kimvwama ya munu,
10 Yandi me lembisa munu nyonso mpe ya munu yimeni,
11 Yandi me dasukila munu,
12 Binwani ya yandi ke kwizaka kintwadi,
13 Yandi me sala ti bampangi ya munu kuvwanda ntama na munu,
14 Bayina vwandaka na munu me bika munu,
15 Banzenza yina ke na yinzo na bisadi ya munu ya bakento ke na kutala munu mutindu nzenza,
16 Kana mu bokila kisadi ya munu, yandi ke ndima ve.
17 Nsunga ya yinwa ya munu ke na kubingisa kento ya munu,
18 Bana ya fyoti mpe ke na kusafula munu,
19 Bantu yina mu vwandaka zonzila mansweki ya munu, bawu ke na kutala munu nganzi,
20 Mikwa ya munu me kangama na mpusu ya nzutu ya munu mpe na musuni ya munu,
21 Beno bandiku ya munu, beno fwila munu kyadi, beno fwila munu kyadi,
22 Samu na yinki beno ke na kukwamisa munu mutindu Nzambi?
23 Mu zola ti ba sonika mambu ya munu,
24 Ba sonika yawu na kisonokono ya kisengo to ya kokote,
25 Munu, mu zaba mbote ti kikuudi ya munu kele moyo,
26 ntangu mpusu ya nzutu ya munu ke beba,
27 Munu, mu ke tala yandi,
28 Ntangu beno ke tuba: «Samu na yinki beto ke na kwendaka landa yandi?»
29 Beno tala ya beno boma ya mbele ya mvita,