1 Biledade, mu-Suwa, bakaka kinzonzi, yandi tubaka:
2 Tii wapi ntangu beno ke manisa na kuzonzila mambu yayi?
3 Samu na yinki ba ke kutala beto mutindu bibulu?
4 Nge yina me fuluka na nkele,
5 Ya tsyelika, mwinda ya muntu ya yimbi ke kufwa,
6 Na yinzo ya yandi ya lele, nsemo ke vwanda dyaka ve,
7 Kutambula ya yandi ya kibakala, ke kuma nkufi,
8 Ya tsyelika, makulu ya yandi me kangama na mpwasa,
9 Mutambu me bwila yandi na kinkoso,
10 Singa ya kitumbu yina ke na kuvingilaka yandi, ya ke ya kubumbama na yisi ya ntoto,
11 Boma ya nsisi ke na kuzunga yandi balweka nyonso,
12 Yandi vwandaka na ngolo, kasi nsatu me manisa yandi ngolo,
13 Yawu ke na kudya yandi mpusu ya nzutu,
14 Ba ke katula yandi na yinzo ya yandi ya lele, kisika yina yandi ke na kuzinga na lukengolo nyonso.
15 Muntu ya nkaka lenda zinga na yinzo yina, samu ti yawu ke dyaka ya yandi ve,
16 Na yisi, myanzi ya yandi me yuma,
17 Na ntoto, ba ke bambukila dyaka yandi moyo ve,
18 Ba me katula yandi na kati ya nsemo, ba me losa yandi na kitombe ya kulutila,
19 Yandi ke vwanda ve na bana, na mitekolo,
20 Bantu ya wesete ke yituka na mambu yina ke kumina yandi,
21 Ni mutindu yayi ke vwanda bayinzo ya bantu yina kele ve ya kudedama,