1 ዔራቶ ናሽካ ዓሲ ዻቢንቲዳፓ ዔሪ ማዓኒ ኮዓኔ፤
2 ናንጊና ናንጋ ጎዳ ኮሺ ዓሲ ቦንቻኔ፤
3 ዓይጎ ዓሲ ማዔቴያ ፑርቱሞና ዶዲ ዔቃኒ ዳንዳዑዋሴ፤
4 ማሊ ጶቂሣ ላኣሌላ ዓኒኮ ቦንቾኬ፤
5 ጎኔ ዓሲኮ ማሊሢ ፒዜኬ፤
6 ፑርቶ ዓሳ ዓሲ ባይዛኒ ፔ ጌኤዞና ፒራኔ፤
7 ዋይዞ ዒፃ ዓሳ ሎኦሚ ቤሲ ባይቃኔ፤
8 ዓሲ ፔኤኮ ዔራቶና ጋላቲንታኔ፤
9 ዖርጎቺ ማላዖ ሙዖ ባኣዚባኣ ዓሲዳፓ
10 ኮሺ ዓሲ ፔ ማኣራ ዓኣ ቆልሞም ሚሚጪንታኔ፤
11 ጎሺ ዶዲ ጎሽካ ዓሲኮ ሚርጌ ሙዖ ባኣዚ ዓኣያ ማዓኔ፤
12 ፑርታ ዓሲኮ ማሊፃ ቢያ ዎዴ ፑርታ ባኣዚ ማዻኒኬ፤
13 ፑርታ ዓሲ ዒዛኮ ፑርቶ ጌኤዛ ፒሮ ማዒ ዒዛ ዓርቃኔ፤
14 ኔኤኒ ዴንቃ ዓንጃ ኔኤኮ ኮዦ ጌኤዞና ማዾናፓኬ፤
15 ማሊ ጶቂሥሢ ፓጬ ዓሳ ማዻ ባካ ቢያ ዎዴ ፒዜ ዔያቶም ማላኔ፤
16 ዔኤያ ዓሲኮ ዻጋ ቤዞና ዔርታኔ፤
17 ጎኑሞ ጌስታ ዓሲ ቢያ ጉሙርቂንታ ማርካቶ ማርካዻኔ፤
18 ማሊባኣዖ ጌስቲንቴ ጌኤሲ ጬንቻ ዓራፖጉዲ ቲቃኔ፤
19 ጎኑሞ ናንጊና ዶዲ ናንጋኔ፤
20 ፑርቱሞ ማላ ዓሶኮ ዒኖይዳ ጌኔ ማሊሢ ዓኣኔ፤
21 ኮሺ ዓሲ ፔቴታዖ ፑርታ ባኣዚ ሄሉዋሴ፤
22 ናንጊና ናንጋ ጎዳ ሉኡዙሞ ሉኡቃ ዒንዲርሲ ሻሻኣኪንታኔ፤
23 ማሊ ጶቂሣ ዓሳ «ኑ ዔራኬ» ጌይ ጌይ ፔና ኬኤዙዋሴ፤
24 ማዾና ዶዲ ማዒሢ ዎይሣ ሱኡጌ ማሃኔ፤
25 ማሊሢና ሜታዺሢ ዖዪሢ ዔኪ ሙካኔ፤
26 ጎኔ ዓሲ ፔ ላጋሢ ዞሪ ፒዜ ጎይሢ ዔኪ ዓኣዻኔ፤
27 ቤልፃ ዓሲ ሙዓኒ ካሣንዳ ባኣዚ ባኣሴ፤
28 ፂሉሞ ጎይሢዳ ሼምፔና ናንጊሢ ዓኣኔ፤