1 ዴኤሡሞ ዔሮ ባኮና ጌሺ ሺራ ዓሶ ናንጊና ናንጋ ጎዳ ዒፃኔ፤
2 ዖቶርሙሞ ዻዻውሲሳኔ፤
3 ፂሉሞ ዓርና ማዒ ፒዜ ዓሶ ዔኪ ዓኣዻኔ፤
4 ኔኤኒ ሃይቃኒ ዑኬ ኬሎና ቆላ ኔኤኮ ኔና ፓሣዓኬ፤
5 ኮሹሞ ኮሺ ዓሲኮ ናንጎ ፒዚሳኔ፤
6 ፒዜ ዓሲ ፔ ኮሹሞና ዻቃኔ፤
7 ፑርታ ዓሲ ሃይቃኣና ዒዛኮ ሃጊ ማዓ ዎዛ ዒዛና ዎላ ሃይቃኔ፤
8 ፂሎ ዓሲ ሜቶይዳፓ ዻቃኔ፤
9 ናንጊና ናንጋ ጎዳ ካኣሽኩዋ ዓሳ ፔ ጌኤዞና ዓሲ ባይዛኔ፤
10 ፂሎ ዓሶም ቢያ ባካ ጊኢጋዛ ካታሞይዳ ዎዛ ማዓኔ።
11 ጎኔ ዓሳ ዓንጂንቴ ዓንጆ ዛሎና ካታማ ዲጪ ዲጪ ዴንዳኔ፤
12 ቦሂ ጌስቲ ዓሲ ዻውሲሳሢ
13 ዾንኮ ዾንካ ዓሲ ጌኤሲ ዒና ዓርቁዋሴ፤
14 ዞራ ዓሲባኣ ካኣታ ሎሎኦማኔ፤
15 ኔ ዔሩዋ ዓሲኮ ጋሌ ጪጋኒ ዋኣሴ ማዔቴ
16 ሚጪንታ ኮሺ ላኣሊ ቦቦንቺንታኔ፤
17 ሚጪንታ ዓሲ ኔኤኒ ማዔቴ ኔና ኔ ማኣዳኔ፤
18 ፑርታ ዓሲ ዴንቃንዳ ባኣዚ ባኣሴ፤
19 ኮሺ ማዾ ዒናፓ ማዻ ዓሲ ሼምፔና ናንጋኔ፤
20 ናንጊና ናንጋ ጎዳ ዒኖ ዎቦ ዓሶ ሻሻኣኪንታኔ፤
21 ፑርቶ ዓሶ ጎኔና ሜታ ሄሊሢ ዓቱዋያኬ፤
22 ማሊ ጶቂሥሢ ፓጬ ሚዛጶ ላኣሌላ
23 ፂሎ ዓሶኮ ማሊፃ ኮሺና ኩማያኬ፤
24 ፔቴ ፔቴ ዓሳ ኮሹሞና ሚኢሾ ፔኤኮ ዒንጊ ላኣላኔ፤
25 ኮሹሞና ዒንጋያ ማዔ፤ ኔኤኒ ዖርጎጫንዳኔ፤
26 ቆኦዙሚ ጌሢ ዺቢ ሚኢሼም ሻንቻኒ ሃኣኮ ናቲ ጌሣ ዓሲ፥
27 ኮሺ ባኣዚ ዶዲ ኮዓሢ ኮሺ ባኣዚ ዴንቃንዳኔ፤
28 ፔ ቆሎና ጉሙርቂንታ ዓሳ ዒላሺጉዲ ዲኢናኔ፤
29 ፔ ማኣሮይዳ ዣሎ ማዣ ዓሲ
30 ፂሎ ዓሶኮ ማዻ ናንጊና ናንጊ ዴንቂሳኔ፤
31 ኮዦ ዓሳ ሳዖይዳ ዓኣዖ ኮዦ ማዾ ዛሎ ዒንጎ ባኮ ዴንቃኔ፤