1 ጪንጫ ናይ ፔ ዓዶኮ ዞሮ ዋዋይዛኔ፤
2 ዓሲ ፔኤኮ ኮሺ ጌስቴ ጎይፆ ዒንጎ ባኮ ዔካኔ፤
3 ማሊ ዔኪ ጌስታ ዓሲ ፔ ሼምፓሢ ካፓኔ፤
4 ቤልፃ ዓሲ ፔቴ ባኣዚ ዴንቃኒ ኮሺ ኮዓኔ፤
5 ኮሺ ዓሲ ሉኡዙሞ ዒዒፃኔ፤
6 ኮዦ ዓሶ ዔያቶኮ ኮሹማ ካፓኔ፤
7 ፔቴ ፔቴ ዓሳ ፔቴታዖ ዓኣ ባኣዚ ባኣንቴ
8 ዖርጎቺ ዓሲ ፔኤኮ ሼምፓሢ ሚኢሼና ዻቂሻኒ ማላኔ፤
9 ፂሎ ዓሶኮ ፖዓ ዓኣፓ ዱዱካያኬ፤
10 ዖቶርሙሞ ዑራ ማዣኔ፤
11 ላቢንቲባኣዖ ዴንቆና ቆሎ ቤዞና ባይቃኔ፤
12 ሃጊ ማዓ ዎዛ ባይቂ ኔጋዖ ዒና ዖዪሳኔ፤
13 ዓሲ ዑሣ ዓኣዼሢ ዓንካ ሙዓኔ፤
14 ዔሮ ዓሳ ዔርዛ ባካ ናንጊኮ ካራኬ፤
15 ማሊ ጶቂሣያ ማዒሢ ዓሲ ቦቦንቺሳኔ፤
16 ማሊ ጶቂሣ ዓሳ ማዾ ማዻኒ ቤርታ ማሊ ቱኪ ማዻኔ፤
17 ጉሙርቂንቱዋ ኪኢታ ዓሲ ሜቶ ዔኪ ዬዓኔ፤
18 ዞሮ ናሽኩዋ ዓሲ ማንቃቶና ዻውሲንቲና ሄላኔ፤
19 ዴንቃኒ ዓፃዾና ባኣዚ ዴንቂሢ ሚርጌና ዎዛሳኔ፤
20 ጪንጫ ዓሲና ላጋታ ዓሲ ዔሮ ዓሲ ማዓኔ፤
21 ጎሞ ዓሳ ዴንዳ ቤዞ ቢያ ሜታ ዔያቶ ጊንፆ ዓኣዻኔ፤
22 ኮሺ ዓሲ ፔኤኮ ናኣዚ ናኣቶም ሄላንዳ ቆሎ ቆላኔ፤
23 ማንቆ ዓሲኮ ጎዣ ዑሣ ዓኣዼ ሚርጌ ሃኣኮ
24 ናዖ ፔኤሲ ጳርቁዋ ዓሲ ናሽኩዋሴ ጌይሢኬ፤
25 ጎኔ ዓሳ ሙዓኒ ኮዓሢጉዴያ ሙሙዓኔ፤