1 Arie God, namane mo, ninda natofo bekári. Susu redae namane doyari beká usesi?
2 Ninda natofo anakora gategusesa ava sekago kotaso dae resena.
3 Reighié sosighi e de bebejegusera, ainda jokáda deinghuse fuge garesa, titigho beká useri.
4 Gitofu ninda tafaroro kambo sosighi use javono gatise, koko fumbu aruguseri.
5 Ne kau faragho sarari embo karivako aimi ika mane je dive gafeoro vose fafaseraira.
6 A kotugo nenda karivako nengae koroba (crowbar) ghae aimi ika faiyaghae botou dae tendi birurughusera,
7 Ne ninda tafaroro kambo jighi bununghetero vosetiri, avarakaimi dungutuseri.
8 Nenda uju mo, namane ava fati bebetegaeteri.
9 Ninda fakinaimi tano eni aso gaetera ava gigitusera. Avata tefori. Feroveta eni jo fetaeri.
10 Arie God, namanenda gitofuimi nimoa ghousa mavega dere jirareri?
11 Susu redae namane sonembari imboe eraesi? Ni redae tumbe taunghe irá gheraesi?
12 Arie God, bebede beká ni namanenda kini (king) edo, umbu nanjogo namane sonembudo fusesi.
13 Ninda fakina tomanakogo aimi nine eva jighi sarigusesi.
14 Nine eva gambauva da giti jighari ainda gifua fati mumunjegedo,
15 Uvu veveyako karevada a kotugo ghamana tokáda kirikara gheraera ava nine eteso siroredo sumburaira.
16 Nine seteso, sifo nengae tumbaghae siroruseri.
17 Enda da tano nine fifitigusesi. Baimara sifo nengae ghaeko sifo ghae nine usesi.
18 Avata, Bajari, ninda gitofu nindae gegha jiraera, a kotugo gogovara embo nimoa ighagha urureoro ninda javo eko eraira, ava kotaso dae resena.
19 Arie Bajari erá, ninda natofo da asisi ribogo rojari beká ava, gitofu ekoko eikena fuge doyeose!
20 Beka gajari nine namanekena usesa ava kotedo ghe!
21 Arie Bajari, evetu genembo mendeni gitofuimi kateyavara ero, mema tafuse irera ava, erá doyeoso,
22 Arie God, javi e fu, ninda gitofu ava koto use ijujase!
23 Ninda gitofu janje ekoghae fumbu aruguse irera ava, erá kotae eose!