1 Geka bekári, natofo Israel embo jokáda mave janje joká keosogo beká eraera aikena,
2 O namo, nanda tumondari feghako usira.
3 Ainda tuka mo, na evetu genembo God da Agho Dari ighagha use,
4 Ne fakinago a tamo mema eni tefori. Ne jo totoi kae tambae eraera.
5 Nemokena mema eni tefori,
6 Susu aindae nenda ivuga amota, kau guri duboda dighido isagha beká giraera ava gareva.
7 Evetu genembo amo rea koteraera aimi misurugurureari eko vanembo eraera.
8 Ne God dere jise, itatako jo oju ae eraera, a kotugo nunda natofo ava kateyavara beká eraera.
9 Ne God utuda irira aikena, geka ekoko seseguse ivuga ututeraera.
10 Susu aindae, nene rea seraera ava, God da natofo barago aminguse,
11 A kotugo ari ekoko embo setena, eminge seraera, “Namonde rea eraera evia,
12 Ari ekoko embokena gugua diguterira, a kotugo sifo ghousa digutuse irá gheraira.
13 Arie namoako, redae soro ghousa ari eko darigari dae korai use ireni?
14 Arie God, nandae mo, sifo ghousa mema ava muturaesa, sifo inono evia ataeghae nandae mema ava ghamo baono dae eraesa.
15 Na avaga saetena amota, a jo ninda natofo da kaugo iraeri. Ava sedo, na ainda kotari ighagha ari dae sise, resena.
16 Na ari evia nange kasama aetena aindae inini useni. Avata nanda munju jo inono ae etiri, mana mana udo fena,
17 amboda, na ena, ninda tafaroro kambo jokáda teredo, nanda kotari afigetiri,
18 Arie Dara! Ari ekoko embo amo, God seriri vasada fitari,
19 Ne totoigo amomonjegarera. Ne ya ambari embo da vasa eko aminda vovosegarera.
20 Nemoa taká aturu avavagori. Tumbaghae aturu edo, sifo ateari, kotae eraera amingori.
21 Na kotari ekoko use itatamari sembae beká use, dubo mema useni.
22 Na kavakava edo kotari dadabeari, sino fuka da ari ava edo ghuseni. Na ni itatako jo kasama aeri.
23 Avata na sifo ghousa ninda tinguda irá ghedo ghuseni.
24 Ninda ijugaimi namoa giti buraesa, a kotugo sifo gombuda nine namoa nati joká doruse unumbaresa.
25 Nisukako nimoa nanda uju bekári. Utuda a kotugo, endada eni nimongo tefo gido,
26 Nanda fisíkena a kotugo asisikena rojaetena, avata God nu irira.
27 O evetu genembo mave God tumonde bainghari imboe gamboe eraera amo ambarera.
28 O namo taká God da tinguda irarena amo, evevago bekári.