1 Na siseni, “Na rea arena, kaifa e gogoghombuse arena.
2 Na beka gotedo, geka eni itako jo saeri.
3 Amo nanda mema aindae oju useni.
4 “Bajari, na ghousa mavega ava irareni? Na nanjigo ambareni?
5 Nange eteso, na jo ghousa irae areni?
6 Namanenda irari mo, dangio da kaugori, beká tefori.
7 Bajari, nanda gigita ari mo, jo soesa ae eraena.
8 Nanda ari ekoko bu fugaso, jebugaone!
9 Na beka gotedo, geka eni itako jo sae arena. Ainda susu mo, nine eteso na mema tafuse irena.
10 Erá, nanda ari ekoko da mino futuse, na sekago deose! Na deteso ambari dae itako erena.
11 Ni evetu genembo da ari ekoko ainda mino futuse, ghoghora sise dombuda seraesa.
12 Arie, Bajari, nanda banungari ningi! Namo sonembaso dae sorara erena, ningi!
13 Ninda ungu sokinembaso dae resena. Doyaso, na jo ambae irise, ivuga itako edo, na ambono dadabare!”