1 Arie, Bajari, erá ninda janje ekoimi na dombuda seose!
2 Ai resira amo, na ninda feva da gorobaimi na gaetesi.
3 Ninda janje eko etesa, aimi na tamo mema teria futo itatama erena.
4 Ai resira amo, nanda ari ekoko teriago beká aimi afurugetiri, usegha jokáda mindi ambari gerena.
5 Nanda gogore tamonda tamo gambisi futo edo masa use metegerira.
6 Na kukurufa use, otombedo, isonga numboro sorara urureono, tumba jiraira.
7 Kae tambudo, tamo veriveri teria beká iri, ambari dae erena.
8 Na rojari beká edo, fakina dadabetiri, nanda janje feriferi ghuse,
9 Arie, Bajari, na rea uju eraena, ni isambu kasama eresa.
10 Nanda janje feriferi ghiri, na rojari beká eteni. Namokena ivuga isambu dadabetira.
11 Na tamo gambisi beda etiri, aindae nanda kokomana a nano namendi itako jo foa nanda tinguda fetae eraera.
12 Evetu genembo namo daoro ambono dae uju use, ivasi fifitigeraera.
13 Namo dengoro gajetiri a guga embo da kaugo use, beka jo sae eraena.
14 Na guga a dengoro irae embo mave geka jo ningae irise, mino jo sae eraira da kaugori.
15 Avata, Bajari, nanda tumondari nimokena fifituse irá gheraena.
16 Erá doyeoso, na mema eretafena aindae, gitofu na dere jiriore!
17 Ai resira amo, nanda kae teria beká saviri, na durari dae itatako erena.
18 Na nanda ari ekoko vujegeraena. Nanda kosasa aindae mema use irena.
19 Nanda gitofu fakina kakatori, ne kae itako jo tambae eraera.
20 Na ari dambugo ari dae inini use irá gheraena aindae, evetu genembo mendeni nandae osogo eraera.
21 Arie, Bajari, erá na doyeose!
22 Arie, Bajari, namo saso jebugari kato nimori, oroko namo sonembe!