1 Na durumugedo, Bajari da sonemba dae kaifa use ireno, nu nanda sorara jave ninigusira.
2 Na bako eko beká tauya aminda ghe jumbiri vivituseni. Eteno, na budo enda fakarada fitiri fetedo jebuguseni.
3 God dae sakai sari da yaru seka eni ava divono dae sedo, namokena ijugusira.
4 Mave, natofo ove keveraera, a god gungubo tumonde bainghari kakatode dabade jo tatae irise,
5 Arie Bajari, namaneda God, ni namanendae roera digari ambari usesi.
6 Ni fuyo a joba mutari ava jo uju ae eraesa. Sino fuka olta (altar) da dungoro dae ni jo uju ae,
7 Eteso, “Na evirere,” siseni. “Ninda Agho Dari jokáda, rea aono dae sisesa, ava irira.”
8 Ava ari dae sedo refena. Ninda uju ava ivugaghae arena. Nanda God, ninda ijuga nanda janje jokáda fiteno irira.
9 Arie Bajari, namane sonemberaesa ainda
10 Na jebuga da bino ava jo kivo edo, nasuka bu jighiraeri. Na sifo ghousa ninda sonemba aindae sise, irá gheraena.
11 Arie Bajari, na kasama erena, ni nandae joka eraesa.
12 Na dara digari futo, jo tegari da kaugo irae aimi jimbe birurughetira.
13 Arie Bajari, oroko nembo tavaraghe fu, na sonembase jebugaone!
14 Mave na daoro ambono dae eraera ovia, sosighi urururaso dubo bunore!
15 Mave namoa dere jiraera amo, aso oju edo ungu ata dadadaghururari, meka garera.
16 Nimokena mave furarera isambu, ivuga use riria aore!
17 Na makasi edo jarutuse irena, avata Bajari, ni na kotise irá gheraesa.