1 Meenei God, hagalongo mai gi dagu dalodalo.
2 Hagalongo mai mo di helekai mai. Au gu duadua i dogu de nnoomaalia.
3 Au gu madagu huoloo i nia lee haga madagudagu dangada o ogu hagadaumee.
4 Au gu madagu huoloo, di madagu o di made gu daamaha i ogu lodo.
5 Di madagu mo di bolebole guu honu i ogu lodo. Au gu madagu huoloo.
6 Au bolo gii hai hualaa ogu bakau be di mwuroi,
7 Au ga maangi gi mogowaa loo, gaa hai dogu guongo i lodo di anggowaa.
8 Au ga halahala dagu gowaa hagalimalima e bala iei au
9 Meenei Tagi, hagahinihini ina nia helekai o ogu hagadaumee!
10 Boo mo aa nia haihai huaidu e hula
11 Di haga mooho la i nia madagowaa huogodoo.
12 Maa nei bolo di hagadaumee e haganneennee au,
13 Gei di maa kooe dela go dogu ihoo ngalua mo dogu ihoo hagaaloho donu.
14 Gidaua nogo hagabooboo i tau mehanga i di aloho,
15 Heia ogu hagadaumee gii mmade i mua nadau madagoaa belee mmade ai.
16 Gei au ga gahigahi Dimaadua go God belee hagamaamaa au,
17 Luada, oodee, mo hiahi agu tamu mo di dangi i lodo dogu manawa
18 Mee ga laha mai au hagahumalia gi daha mai teebagi
19 God dela nogo dagi mai loo namua ga hagalongo mai gi di au,
20 Dogu ihoo i mua gu hai baahi gi ono ehoo hagaaloho.
21 Nia helekai a maa e kala, gei i lodo dono manawa le e honu di hagadugina.
22 Dugua ang gi Dimaadua o haingadaa, gei Mee ga haga dagaloaha goe.
23 Gei Goe, meenei God, gaa lahi digau daaligi dangada gii mmade