1 Mwa Yaubada! Kuvituloki guyau
2 kidamwa biguyau odubasi m tomota deli karaiwaga duwosisia,
3 Ibodi viloumwaidona valu bisibwabwailasi,
4 Ibodi guyau biyakali tonamakava metoya karaiwaga duwosisia.
5 Ibodi m tomota bitapwarorusi baisa yoku makawala kala kaduwonaku kalasia bititapi,
6 Ibodi tomota bilumkolaisi guyau la giyoubwaila makawala kuna ikukuni bagula,
7 Ibodi bubunela bwaina bikaligiaki valu ola tuta tomomova guyau,
8 Matauna la kabokwaraiwaga kala kwaiveka metoya pilatala bolita bila itobu piliyuwela,
9 Tolesi viloupakala bikululusi omatala matauna,
10 Guyousi Sipeini e simla guyousi bisakaisi si bobwailila baisa matauna,
11 Gweguya komwaidosi bikululusi omatala matauna,
12 Ikoli tonamakava availa availa idousi baisa matauna,
13 Inokapisi tomamama deli tonamakava,
14 Ikoli matausina metoya tolamadada deli togigasisi,
15 Guyauwʹe - guyau!
16 Ibodi mapilana valu bikasewoki kaula,
17 Ibodi Guyau yagala gala avai tuta bitamwau,
18 Kala yakaula Guyau, matauna mina Isireli si Yaubada!
19 Bitayakawolaisi matauna Toguyugwayu tuta gala wala biwokuva.
20 Mapilana goli kala vigimkovila la nigada Debida, matauna Yese latula.