1 Mwa Guyau! Taga kumipukwaigu metoya om gibuluwa.
2 E bogwa kukwalibogwaigu om kwaiyala.
3 Uula wala om gibuluwa, yeigu saina iyogidigedaigu.
4 Yeigu akanopula wala osakalela ulo mitugaga.
5 Agu pwasa bogwa eibogina deli eipwasigiyogaya,
6 Yeigu bogwa layayali, e bogwa eiyomami wowogu.
7 Katoula bogwa eiyomeinaigu,
8 Yeigu bogwa lasomata, e mokwitatoula wala bogwa eimata wowogu.
9 Mwa Guyau! Bogwa kunikoli avaka lapupikwaku.
10 Kukugu bogwa leikusa, e ulo peula bogwa leiwokuva,
11 Lubaigwa deli segwaia gala wala bimakaiagusi katitaikina,
12 Matausina magisi mwada bikatumataigusi eilaleiyasi wala agu sikula,
13 Yeigu makawala taitala tau totuli e gala alilagi biga,
14 Yeigu makawala taitala tau gala immapu biga,
15 Mwa Guyau! Yoku wala adubumaim.
16 Gala bukutagwala agu tilaula biyosokanaigusi paila agu mmayuyu.
17 Yeigu makateki wala bakapusi,
18 Akamituli ulo mitugaga.
19 Agu tilaula kasi kaitubwa bwaina deli topapeula.
20 Availa availa matausina ikatumapwaisi ulo vavagi bwaina isakaigusi vavagi gaga
21 Mwa Guyau! Taga kusilavaigu.
22 Mwa Guyau! Yoku agu tokwatumova, kupilasaigu tuta baisa!