1 Bitanokagutokisi baisa Guyau
2 Bitawosisi kala yakaula Guyau.
3 Bitamwasawasi paila eivigakaidasi la vavagi goli.
4 Bitalokaiasi Guyau paila pilasi
7 Guyau matauna da Yaubadasi.
8 Matauna bivagi makawala la kabutu, tuta gala wala biwokuva,
9 Matauna bivagi makawala eilivala baisa Eberaam,
10 Guyau eikabutu deli Yekobe,
11 Kawala, “Bogwa basakaim makubilana Kenani,
12 Omitibogwa Yaubada la tomota gala ibawasi,
13 Iwowausi wala avai valu avai valu,
14 Mitaga Yaubada gala itagwala availa bilamidadi matausina.
15 kawala, “Taga kuyogagaisi matausina ulo towotetila bogwa lanagi.
16 Guyau iwitali molusaula osi valu
17 Mitaga eiwitali taitala ilobogwa omitasi,
18 Kaikela kala katupipi tanumnumta,
19 e isisu makawala, tatoula wala ikaloubusi makawala eivitoubobuta omitibogwa.
20 E oluvi guyoula Itipita itaneku Yosepa,
21 E ivigaki matauna kasi tokugwa kaidadala la valu,
22 Iguguyoi komwaidosi guyau matauna la tosikwawa,
23 E oluvi Yekobe ilokaia mapilana Itipita
24 Guyau ivigaki la tomota idalasi,
25 Ivigaki mina Itipita bipakaisi la tomota,
26 E oluvi iwitali la touwata Mosese,
27 Matausina eivagaisi Yaubada la vavagi topilaveka,
28 Yaubada eiwitali dubilikitakita ovalu,
29 Ivigaki si waya bidavilasi imila buyavi.
30 Si valu ikaligiaki kumeu,
31 Yaubada ikaraiwaga e nigunagu deli segusegu
32 Kaimapula kunatoula iwitali kuna kwekulokula e deli kavikavila ovalu.
33 Ikodidaimi bigulesi waini deli makaisina seuseu,
34 Ikaraiwaga, e nipawa iviloubusisi,
35 Ikomasi kaila valu komwaidona,
36 Ikatumati si kuluta tauwau
37 E oluvi ivakadi mina Isireli isunapulasi.
38 Mina Itipita ikukolaisi matausina,
39 Yaubada isaili lowalowa odubasi la tomota
40 Inigadasi e iwitali kasi gwaba gogoila.
41 Iulaim dukutotu e sopi igiposisi,
42 Iluluwai la biga katotila kwebumaboma
43 E mapaila ivakadi la tomota isunapulasi,
44 Isaiki matausina si pwaipwaia tuwoli tomota,
45 E ivagi makawala kidamwa la tomota bikabikuwolaisi la karaiwaga kwevakaveka,