1 Bilomagu, kuyakawoli Guyau.
2 Kuvakanunuvaim lumalamawokuva wala.
3 e kumili valu odabala sopi walakaiwa.
4 Yagila lokuvigaki m touwata,
5 Lokusaili valu watanawa okabala,
6 Kuvigaki bolita kala kakapula valu watanawa,
7 Avai tuta kukwamitilaki sopi, itabai wala.
8 Ititayelu odubasi koya ibubusi ila wa sakala,
9 Okusaili kala kalitutila, e gala gagabila biluvapela,
10 Yoku kuvigaki sopi igigibwabula wa sakala,
11 E ivigaki kasi sopi mauna nabubolodila.
12 Makaisina kai otalila sopi
13 Metoya wa labuma kuwitali kuna bikuna wa koya,
14 Kuvigaki mnumonu bisusina mwada bikamsi bulutuvalu,
15 deli bitaiyauwaisi waini kidamwa bimwasawasi,
16 Mina Lebanoni si kai kweisila ibubanaisi kasi sopi bidubadu,
17 Baisa mauna iiyoulasi kasi nigwa.
18 Gota nabubolodila isisuaisi wa koya,
19 Kububuli tubukona bikibuboti kweluva,
20 Kububuli bogi, e otutala dudubila
21 Minasina laiyoni nagugwadi iguguvavilasi e inainevisi kʹasi,
22 Igau iyuwoula kalasia ikeiitasi
23 E oluvi tomota itokaiasi isunapulasi bipaisewasi,
24 Mwa Guyau! M bubuli saina bidugaga
25 Ka, milaveta kala maloula kala beiyaya,
26 Waga ikokewasi odabala bolita, e minana bosu immwasawa baisa,
27 Komwaidosi minasina ikikanasi baisa yoku,
28 Yokugwa kusisaiki e ikamsi.
29 Avai tuta yoku kutotubuloki, minasina ikokolasi.
30 Mitaga avai tuta kusaiki si yagisa, imovavausi,
31 Ibodi Guyau kala katububula bikanuvagasi,
32 Imitakavati pwaipwaia, e pwaipwaia iyega.
33 Ogu momova komwaidona bausiwosi baisa wala Guyau,
34 Saina magigu agu wosi biyomwasali matauna,
35 Ibodi Guyau bimtuli komwaidosi tomitugaga,