3 Availa ibodi bisevitai Yaubada?
4 Yaubada saina tokabitam deli topeuligaga;
5 Matauna gala biyolibiga bikatupaili wala koya
6 Yaubada imotitani valu watanawa metoya likuliku;
7 Matauna ibodi bikaraiwogi kalasia e gala biyuwoula,
8 Gala availa ipilasi Yaubada avai tuta eisaili bubuli wa labuma okabasi,
9 Yaubada ibubuli utuyam wa labuma -
10 Gala ibodi bitanikolaisi vavagi kabokatubau matauna iuvagi,
11 Yaubada bililoula wala omatagu, mitaga gala wala agigisi matauna.
12 E avaka magila bikau gala wala availa ibodi bisilibodi matauna;
13 Yaubada kala leiya gala isim kala kalitutila.
14 Mapaila ammakawala bavigaki bavitakauloki Yaubada?
15 Ilagoli yeigu tobwaila mitaga ibodaigu wala bakayubabai baisa Yaubada matauna agu toyakala mwada binokapisaigu.
16 E mitaga tuta baisa kidamwa bitugwalaigu babigatona,
17 Matauna ilogomsisaigu metoya utuyagila, e tuvaila wala ikatupwaili wowogu,
18 E olumoulegu bogwa wala eivakasau mmayuyu;
19 Ki ibodi bayokoli matauna? Ibodi bayokoli Yaubada metoya ogu peula?
20 Yeigu tobwaila wala deli tokimadagi, mitaga ulo biga kala lega sulawokuva wala,
23 Kidamwa taitala tobwaila biyokopita wala kala kaliga,
24 Yaubada isaiki tomitugaga valu watanawa si valu.
25 Ulo yam saina wala nanakwa biukuwokuva,
26 Ulo tuta biukuwokuva kala nanakwa makawala waga saina kaisisakaula,
29 E kidamwa bogwa leidokaigu tomitugaga, avaka uula bikaiki wowogu mitugaga makwaisina?
30 Gala wala avai vavagi ibodi biwinisau ulo mitugaga.
31 Yaubada ivisililaigu omlopu makwaina eikasuwoki bulopwasa,
32 Kidamwa Yaubada taitala guma watanawa, ibodi wala bamapu la biga;
33 Mitaga gala wala availa isisu bitotu oluwalaima okaboyakala,
34 O ulo Yaubada, mwa! desi taga kumipukwaigu!
35 Yeigu gala wala bakokola. Ibodi wala balivala