3 Ka, Yaubada gala avai tuta bikididogi karaiwaga duwosisia;
4 Litumwa kaina leimitugagasi baisa Yaubada,
5 Mitaga baisa tuta ibodi bukuninavila e bukukwayubabai baisa Yaubada Topeuligaga.
6 Kidamwa yoku saina tokamokwita deli tomigileu,
7 Avaka Yaubada bisakaim tuta oluvi saina bidugaga,
8 Igau sitana kuninamsi avaka tommoyabogwa si kabitam;
9 Yakidasi da momovasi kukupi wala e gala wala avaka itapuloki ninadaisi;
10 Mitaga ibodi tommoyabogwa matausina toninitalapula bivitulokaimsi;
11 Kawasi, “Lei gala ibodi bisusinasi ambaisa saina lubulabu;
12 Miyasina gala ibodi bitavigaki katuva kidamwa igau yakikekita,
13 Availa availa matausina gala inikolaisi Yaubada makawala miyasina lei;
14 Matausina si dubumi makawala kapali bobosu la bwala.
15 Kidamwa bikanuvatetasi okapali, ki, ibodi kapali makwaina bipeula kaina?
16 Tomitugaga bitasusilasi makawala mnumonu bitasusilasi okalasia,
17 Kailawalisi miyasina bilola odakuna,
18 Mitaga oluvi bikamnumonaisi wala biwokuva -
19 E tomitugaga si mwasawa bogwa bikalituli;
20 Mitaga Yaubada gala wala avai tuta bisilavi tomitukwaibwaila,
21 Matauna bivigakaim bukugova deli m mwasawa,
22 mitaga biyomsili matausina leivigakaimsi tokukolosi yoku,