1 Yeigu bogwa eisomitaki wowogu sisu ovalu watanawa.
2 Mwa Yaubada, gala bukukwamogaigu.
3 Ki kudoki baisa bwaina paila bukuvakatutukwaigu makawala?
4 Yoku m gigisa gala makawala ma gigisa kadai?
5 E m momova isim kala kalitutila makawala yakamaisi kaina?
6 E avaka paila bukunainevi wala bukuvinaku komwaidona ulo mitugaga
7 Mwa, bogwa kunikoli yeigu gala isim ulo sula,
8 Metoya oyamam kububulaigu deli kusaili katupwaila wowogu,
9 Ka, kululuwai yoku kububulaigu metoya pwaipwaia.
10 Yoku kukwatupewoli tamagu paila biunaigu;
11 Yoku kububuli totuwanegu deli wotunula wowogu yavakaveka
12 Yoku bogwa kusakaigu ulo momova, deli m yebwaili ikanuvagasi baisa yeigu,
13 Mitaga baisa tuta bogwa lanikoli tuta komwaidona
14 Yoku tuta komwaidona kuiyausaigu wala mwada bukubanaigu bamitugaga,
15 Momwela wala bamitugaga, yeigu bogwa lasula baisa yoku,
16 E avai tuta sitana bakamnumonaigu,
17 Yoku tuta komwaidona kubani tosilasola bikamitulaigusi e bikagagaigusi.
18 Mwa Yaubada, avaka paila lokutagwala inagu leiunaigu?
19 Kala bwaina gala bagisakola valu,
20 Mwa, taga kuyokaikai wowogu.
21 Yeigu makateki migigu bitamwau e gala wala avai tuta bakaimilavau,
22 viluwela dudubila, kaikonigula deli kabotakainowa,