3 Yobi mwa, ki, kudoki gala bakamapwaisi m bigatona?
4 Yoku kulivala mwada avaka m biga kamokwita wala;
5 Eisekila gala wala anikoli ammakawala Yaubada bimapu m biga!
6 Matauna bilukwaim kabitam nanamsela bidubadu.
7 Ki kudoki ibodaim bukuvitobu ammakawala Yaubada la tovakaigaga deli la peula,
8 Yaubada la tovakaigaga makawala labuma gala isim kala kalitutila,
9 Yaubada la tovakaigaga kala beiyaya ikalisau valu watanawa,
10 Kidamwa Yaubada bikatupipaim e bilauwaim oyakala,
11 Yaubada bogwa einikoli availa availa matausina gala isim dimlesi;
12 Tomota toninagowa ibodi bitaboda ninasi
13 Mwa, Yobi, ibodi bukuninavila,
14 Kukwau kuligaiwa komwaidona mitugaga deli sula metoya om valu.
15 Oluvi bukukowana tuvaila, deli m tuvaluwa bukutotu peula.
16 E oluvi komwaidona kam mwau onanom biwokuva,
17 Yoku m momova visigala bikalisau kalasia visigala tutala bitowota,
18 Yoku bukukwala e bisim m pikwaku;
19 Yoku gala bukukukoli kam tilaula;
20 Mitaga tomitugaga bimitigibugibusi deli si pikwaku biwokuva;