3 mokaisi bikalisau mokaila kanakenuva komwaidona obolita,
4 Yaubada Topeuligaga bogwa eibasaigu okaiyala,
5 Natana ase bikamkwam mnumonu bikomata,
6 Mitaga availa ibodi bikoma kaula gala deli yona?
7 Yeigu gala wala ibodi bakoma kaula makawala,
8 Avaka paila Yaubada gala bisakaigu avai vavagi banigadi?
9 Ibodi wala matauna bikatumataigu!
10 Kidamwa bogwa lanikoli bivagi makawala, yeigu bamwasawa sainela
11 Ammakawala ulo peula vakaila bibodi basaitaulaga tomomova?
12 Ki, ammakawala? Yeigu wowogu dakunawokuva kaina?
13 Yeigu ulo peula bogwa leiwokuva e gala avaka ikesa paila bakolaigu titoulegu;
14 Kidamwa baboda vavagi mwau makawala baisa,
15 Mitaga yokomi lubaigwa,
16 Makaduyosina goli ikasuwoki sinou deli sopi kwekulokula,
17 mitaga avai tuta waigigi bilova isosusi wala itamwausi,
18 Yuwotala kameli itamwausi
19 Mayuwona kamelila Seba deli Tema inainevisi mitaga gala wala ibanaisi,
20 mapaila si pikwaku ikaliga wala opapala makaduyosina waya kadapakapakala.
21 Yokomi mi sopa kala bidubadu baisa yeigu kala lumkola makawala makaduyosina waya
22 Ki, avai tuta anigadaimi bukusakaigusi bobwailila kaina
23 kaina goli mwada bikolaigu metoya agu tilaula deli agu tolamadada?
24 O bwaina, kuvitulokaigusi; kulukwaigusi avaka ulo sula.
25 Bigatona kamokwita lutula saina peula;
26 Yokomi kudokaisi ulo bigatona gala dimlela makawala wala yagila, kadai!
27 Yokomi bukukowobobutasi paila magudisina weilova bukuvigakaisi mi ula
28 Ka, kugisaigusi!
29 Yokomi bogwa eivakasauwaimi sopa.
30 Mitaga yokomi kudokaisi tosasopa wala yeigu, kadai!