5 Paila bogwa lakapeili bigatona.
6 E metoya outuyagila Guyau ilivilavau baisa Yobi.
7 Mwa! Kutuvaluwa kutokaia,
8 Ki, magim bukusimokwita mwada avaka lavigakaim baisa gala duwosisia?
9 Ki yoku m peula makawala ulo peula kaina?
10 Kidamwa makawala, e bwaina wala kusikam kam kwatububula saina guyugwayu,
11 Bukumitakavati tokamnomwana.
12 E mokwita goli, bukumitakavati matausina e bukuvabu bilosi watanawa,
13 Kubaku komwaidosi matausina opwaipwaia.
14 Kidamwaga yoku bukuvagi makawala, yeigu goli tovitouula kam yakaula,
15 Ka! Kugisi minana Biemota.
16 Mitaga wowola saina peuligaga,
17 Yeyunela bikatuponini makawala makaina kai kweisila,
18 Tutuwanela saina kaipapeula makawala barasi,
19 Minana saina kabokatubau,
20 Kala mnumonu isususinasi wa koya goli,
21 Bikenu okaigunigwaini osikowasi,
22 Makaisina kaigunigwaini deli guvagava
23 Minana gala wala bikukoli sakala yelula.
24 Availaga ibodi bigibu matala minana e biyosiga?