1 Ki kunikoli minasina gota wa koya avai tuta bivalulusi ke?
2 Ki kunikoli navila tubukona minasina eisumasi ke?
3 Ki, kunikoli avai tuta bisitotusi paila bivalulusi,
4 Olumoulela udila minasina nagugugwadi bogwa bipeula uwosi,
5 Ki, availaga eitaneku minasina ase nabubolodila ke?
6 Yeigu lasaiki minasina si valu oviloupakala,
7 Minasina gala bivakatitaikinasi ovalu kwenininisi,
8 Minasina bikikabubunasi wa koya,
9 Ki, ibodi natana bulumakau nabolodila biwotitalaim ke?
10 Ki, ibodi bukusikoli natana oyuwoyoula e bukuvigaki minana bitakaiwa ke?
11 Ki, kudoki bukudubumi minana ola peuligaga,
12 Ki, kuninakusi mwada minana bitaiyau m bagula,
13 Ka, saina nanakwa natana kasuwari pinupanela bikatupapapasi,
14 Kasuwari bipoupou poula opwaipwaia wala,
15 Minana gala ininamsi paila avai tuta kweyatala kwai bivagunugunu makwaisina,
16 E minana biuvagi la bubunela makawala makwaisina pou gala poula titoulela.
17 E yeigula lavigaki minana einagowa,
18 Mitaga kidamwa bivitouula bisakaula,
19 Mwa Yobi! Ki, yokula lokuvigaki wosa saina napapeula,
20 Ki, yokula lokuvigaki minasina biyuweitaulasi makawala nipawa,
21 Minasina gala itoutau uwosi oitayatila.
22 Minasina gala wala inikolaisi kokola,
23 Guguwala kabilia makwaisina kasi tosisila eiyosisi
24 Itatatuvasi deli si mwasawa minasina ikomtilasi ikugwasi,
25 Avai tuta biyuvaisi yuvitala tauya, minasina binugwasisi,
26 Avai tuta kilakila biyosokanaisi pinupanesi
27 Ki, natana mluveka bitulotula paila bukukwaraiwogi
28 Minana bimili valu odubiliwotala raibwaga,
29 E metoya baisa minana bimmitakavati katitaikina deli kaduwonaku
30 Avai vavagi wala bikaliga mluveka bitoulaisi,