1 Ki, kudoki bukubia minana Dokanikani metoya wa bani ke?
2 Ki, kudoki bukukovisuvi yuwoyoula oponanela kabulula
3 Ki, kaina minana binigadaim mwada bukukilavi bila?
4 Ki, kudoki bivagi bukuninatalasi kamitaiyu
5 Kaina bukusikoli minana makawala natana kanem mauna nayoyowa?
6 Ki, kudoki topwapoula bilagasi paila minana?
7 Ki, kudoki bukubasi kanuvinela ogimala,
8 Ka, bukukwabikoni sivatala wala,
9 Kidamwa availa bigisi minana Dokanikani,
10 Paila avai tuta takatumwali minana, saina wala nagigasisi.
11 Kaina availa ibodi biyowaisi kasitaiyu,
12 E ka, ibodaigu wala balukwaim paila minana dokanikani kaikela,
13 Gala availa gagabila bitanini minana Dokanikani kanuvinela,
14 E availa ibodi bikalikaki kimwala minana kidamwa bikapogega?
15 E otapwala ivitodeilisi vayoula itogugulasi gulitinidesi,
16 Kasatala ila iluvisosu baisa kasayuwela saina kikita,
17 E komwaidona wala makaisina ivakikitaisi gulitinidesi wala,
18 E kidamwa avai tuta bibolasi, deli wala lumalama ivivivila,
19 E metoya owodola isusunapulasi makawala kova ilululu,
20 Mseu ibobwau metoya okabulula,
21 Metoya ola yagisa yuviyavila kova ikata goli,
22 Minana kaiyola saina peuligaga
23 E gala katupotala kanuvinela katupomama,
24 Minana nanola makawala dakuna e gala isim kala kokola,
25 Avai tuta minana bilakau, e matausina availa availa saina topapeula bikukolaisi wala minana.
26 Gala avai kema ibodi biteya minana,
27 E minana bidoki aiyani kala mama makawala goli wawa,
28 Gala avai silamata ibodi bivigaki minana bisakaula,
29 Minana bidoki bubotala lewa makawala yatala lei wala,
30 Kanuvinela lopola makawala seniseni kaipitupitu.
31 Minana bikatuluwi bolita makawala sopi bigigibwabula,
32 Minana saipolula obolita ivivivila otuboulola,
33 Gala avai vavagi ovalu watanawa ibodi bitavitoupati makawala minana,
34 Minana bikululuki minasina mauna saina nakaluvalova,