1 Mapaila Yobi, baisa tuta, kunakaigali bibwaina komwaidona ulo biga avaka balukwaim.
2 Yeigu ulo bigatona bogwa lakatubiasi onanogu avaka balivali.
3 Komwaidona ulo biga kamokwita wala,
4 Yaubada la baloma ibubulaigu e isakaigu ulo momova.
5 Mwa, avaka m nanamsa kukwatubaiasa,
6 Ka, yoku, deli yeigu, makawala wala omatala Yaubada,
7 Mapaila gala wala avaka uula bukukukolaigu,
8 Ka, baisa makawala lanakaigalaim lokulivala,
9 kawam, “Yeigu gala wala isim pikolela wowogu;
10 Mitaga Yaubada iuvitoki wala ammakawala biyogagaigu
11 Matauna iyuwoli kaikegu oyuwoyoula
12 Mitaga ka, Yobi, biga mokwita alukwaim bogwa lokusula.
13 Avaka paila kutabinaki Yaubada mwada gala avai tuta
14 Ilagoli Yaubada tuta komwaidona bililivala wala
15 Avai tuta tomota bimasisisi wa bogi,
16 Matauna ivigaki matausina bilagaisi la biga,
17 Yaubada iluluki matausina bisimwaisi mitugaga,
18 Matauna gala bitagwala bikatumataisi;
19 Yaubada biyokili matala taitala tau metoya lelia,
20 Tokatoula matauna kala kaitubwa bitamwau
21 Wowola bikikisi wala gagainawokuva
22 e la tuta bogwa eivakatitaikina bikaliga.
23 Kaina taitala anelosi ibodi bima bipilasi matauna -
24 Anelosi matauna deli la nokapisi bilivala kawala,
25 Matauna wowola bitakasa deli bipeula tuvaila;
26 e avai tuta binigada, Yaubada bivitakauloki matauna;
27 E oluwalaisi tomota matauna bilivala kawala,
28 Matauna ikolaigu gala akaliga;
29 Yaubada tuta komwaidona iuvagi wala makawala;
30 matauna ikoli taitala tomota la momova,
31 Mapaila Yobi, kunakaigali avaka lalilivali;
32 Mitaga kidamwa avaka sitana m nanamsa bukulivala,
33 Mitaga kidamwa gala, desi wala kukwapatu e kunakaigalaigu,