3 Ka, yokomi kunikolaisi wala kaula kalagitoula kala kamkwam.
4 Ibodi yakidasi wala bitakibubotaisi pakula makwaina.
5 Yobi eilivala mwada matauna tobwaila,
6 Matauna ikatupoi kawala,
7 Tauwau, avai tuta sitana kugisaisi avai tau makawala Yobi?
8 Matauna biuvakatu tomitugaga
9 Matauna eikaibiga kidamwa bitavigikoni bitabokuli Yaubada nanola,
10 Tauwau, yokomi toninitalapula, ka, kunakaigalaigusi!
11 Ka, matauna imitukwaii tomota paila avaka avaka iuvagaisi
12 Yaubada Topeuligaga gala wala immitugaga;
13 Ki Yaubada eibubani la peula metoya baisa availa kaina?
14 Ka, kidamwa Yaubada bikau da momova yagisela,
15 e komwaidodasi mwada tammwamovasi, bitakaligasi,
16 Kidamwa yokomi tokabitam ibodi bukunakaigalaigusi.
17 Ki yokomi kukwamogaisi Yaubada tomitakwai ke?
18 Yaubada wala ikamogi gweguya deli tokaraiwogala valu,
19 Matauna gala ipilasi tokaraiwaga
20 Taitala tau kaina bitakainau wala la kaliga wa bogi.
21 Matauna imitakavati tomota da loulasi.
22 Dubilikitakita dudubalela
23 Yaubada gala bikaiki wowola paila biluvituti tomota si tuta
24 Matauna gala ikaiki wowola paila biyolibiga bikugwa
25 Paila matauna bogwa wala einikoli avaka avaka eiuvagaisi;
26 Matauna imipuki tomitugaga omitasi komwaidona tomota,
27 paila uula matausina ipakaisi bibokulaisi nanola;
28 Matausina ikominimanaisi tonamakava bidousi baisa Yaubada,
29 Kidamwa Yaubada gala biwonana bivagi avaka,
30 E boda ituwoli ituwoli gala wala avai keda ibodi bivagaisi
31 Mwa Yobi, ki bogwa kukwamituli m mitugaga baisa Yaubada;
32 Ki bogwa kukwatupoi Yaubada paila bivitulokaim m sula,
33 Bogwa lokupaiki avaka Yaubada iuvagi.
34 Availa toninitalapula bogwa bikabwailigu!
35 “Yobi la bigatona ililivala metoya ola nagowa.
36 Kidamwa bukuninamsi komwaidona Yobi la bigatona;
37 Matauna ola mitugaga ikatumkulovi tuvaila kosomapu;