1 E bogwa lalivala biga katotila saina peula,
2 E avaka ivigakaidasi Yaubada Topeuligaga?
3 E iwitali kabosilagi deli kabommayuyu
4 Yaubada inikoli wala komwaidona avaka lauvagi,
5 Yeigu alivala biga katotila mwau, yeigu gala avai tuta ladubakasala,
6 Ibodi Yaubada bivisaikolaigu metoya ola kabovisaikola kaikamokwita,
7 Ka, kidamwa bogwa latotubuloki metoya okedala bwaina,
8 ibodi wala ulo bagula bikodeiwaisi,
9 Kidamwa yeigu bikewakewa matagu la kwava sogu,
10 e oluvi bibodi batugwali ulo kwava bisulu k ʹala taitala ituwoli tomota,
11 Ka! Kidamwa bamitugaga makawala baisa, ibodi agu mipuki kaliga wala.
12 Mipuki makwaina bivigaki makawala kova bigibumkulovi wala e gala avaka kesa bisisu,
13 Kidamwa taitala ulo touwata bitakulukulu baisa yeigu,
14 Kidamwa gala avagi makawala, ki, ammakawalaga gagabila batotu omatala Yaubada?
15 Ka, matauwena Yaubada eibubulaigu,
16 Yeigu gala avai tuta akatuloki tonamakava,
17 kaina atagwala gumalawa bikamolusi avai tuta yeigu lakamkwam.
18 Ka, ogu tuta komwaidona yeigu lavauli matausina.
19 Kidamwa labani avai tonamakava,
20 e ka, yeigu bogwa basaiki matauna kala kwama labubuloki unuunula sipi,
21 Kidamwa avai tuta bakoumakavi avaka metoya baisa gumalawa,
22 e ibodi goli yamagu bikouwolaisi,
23 Gala avai tuta gagabila bavagi makawala baisa,
24 E gala avai tuta adubumi guguwa bidubadu,
25 kaina akamnomwana paila ulo veiguwa.
26 Gala avai tuta atapwaroru baisa minana kalasia saina guyugwayu,
27 Gala availa bitavili nanogu mwada batemmali minasina,
28 Ka, kidamwa bamitugaga makawala baisa ibodi agu mipuki kaliga wala,
29 E yeigu gala avai tuta abani nanogu kala mwamwasila avai tuta agu tilaula ibodasi mmayuyu,
30 Yeigu gala avai tuta anigada paila bikaligasi.
31 Komwaidona matausina ulo towotetila inikolaisi
32 Adou tokwaidadina bisuvisi ogu bwala
33 Mimilisi tomota ivigikonaisi mwada bikatupwanaisi si mitugaga,
34 Yeigu gala wala avai tuta akukoli avaka tomota bilivalaisi,
35 Ki gala availa binakaigali avaka lalilivala ke?
36 e yeigu deli wala ulo gisimnaka basaili okaiyogu makawala agu kuwa,
37 E yeigu goli baluki Yaubada komwaidona avaka bogwa lavagi,
38 Kidamwa bayouli baleku makwaisina tuta tuta labiguli
39 e kidamwa bakoma kalagila baleku makwaina,
40 e bwaina, kaimapula kuvi deli taitu,