1 Mitaga baisa tuta tubovau bikikatudeuwaigusi wala!
2 Matausina budotala tomamama
3 Matausina saina tonamakava,
4 E avai vavagi wala bisususinasi oviloupakala
5 E tomota komwaidona ikawotasi ikaliyabaisi matausina,
6 Matausina isipepunisi wa lagi kaina onobwala
7 Olumoulela udila matausina bigougwausi
8 Matausina gweiluva deli gala wala dimlesi
9 Mitaga baisa tuta matausina imaisi e igigilaigusi wala;
10 Matausina ikayuwaigusi;
11 Paila Yaubada bogwa eiyomami wowogu mamawokuva wala,
12 Tomota mabudona ikabiliaigusi e ikalisalaigusi;
13 Matausina ivabodaisi ulo keda mwada bikatumataigusi;
14 Ambaisa lavigaki ulo kabokwala matausina ikodidaimsi,
15 e kokola wala ikatumataigu;
16 Mapaila makateki wala bakaliga;
17 Avai tuta bibogi totuwanegu komwaidona bikamkumku
18 Yaubada ilitaki agu kwarekwa okaigadugu;
19 Matauna ilavaigu ala opwadidiweta;
20 O Yaubada, adou baisa yoku,
21 Yoku kuvakatutukwaigu saina mmayuyu;
22 Yoku kutugwali yagila biyuvisauwaigu;
23 Bogwa lanikoli makateki bukuvakaligaigu,
24 Mwa, avaka paila kuyomiyuyu tau matauna togweiluva,
25 Ki kudoki gala auvilam tomota
26 Yeigu lapikwaku babani ulo mwasawa deli babani lumalama
27 Ninamwau deli mmayuyu bogwa wala eiyogagaigu,
28 Yeigu baliloula todubiyou wala, gala sitana subusobula wowogu;
29 Kaigagu butula saina kakapisi lula makawala kaigala
30 Kanuvinegu bogwa eivabwau;
31 Igau otobwailagu ulo kaisisu saina bwaina,