3 Ibodi bukukwapatu e balivalaga sitana,
4 Baisa ulo kominimani gala deli tomota;
5 Mwa kugisaigu! Agu gigisa bogwa leibodi
6 Avai tuta baninamsi avaka bogwa eikaloubusisi baisa yeigu,
7 Avaka paila Yaubada itugwali tomitugaga bisisuaisi tommomova,
8 Matausina biunaisi litusia e bibanaisi tubusia
9 Yaubada gala wala itagwala kabomwau bikaloubusi osi kaukweda;
10 Matausina ivitubwaisi si bulumakau
11 Litusia bisakauluvivilasi wala immwasawasi makawala minasina lam
12 e avai tuta bilagaisi butusi gita deli loloni e deli wala kaiwosisi.
13 Osi tuta komwaidona si sisu bwaina wala
14 Tomitugaga ilukwaisi Yaubada taga biyokaikai uwosi;
15 Si nanamsa mwada gala wala dimlela si wotetila baisa Yaubada,
16 Matausina ilivalasi mwada metoya osi peula titoulesi eipapeulasi,
17 Sivavila tomitugaga si kaitapa bimitamata?
18 e biyuvisau matausina makawala yogilumwamwaisa biyuvisau wa yagila,
19 Yoku kulivala mwada Yaubada bimipuki guditala gwadi paila tamala la mitugaga.
20 Mapaila ibodi wala tomitugaga bilumkolaisi mokaila si mitugaga;
21 Kidamwa avai tuta taitala tau bogwa eikaliga,
22 Ki kudoki availa gagabila bivituloki Yaubada,
25 Mitaga mimilisi gala wala sitana si mwasawa ibinikolaisi,
26 Mitaga komwaidodasi wala makawala bitakaligasi bibakwaidasi;
27 Mwa, m nanamsa komwaidona anikoli wala iwokuva.
28 Yoku m kwatupoi kawam, “Tau matauna todabala la bwala ambaisa eititoki baisa tuta,
29 Mwa, ki gala sitana kubigitoni tomota matausina tokwaidadina?
30 Ka, wa yam makwaina Yaubada bigibuluwa e bimipuki,
31 Gala wala availa ibodi bitabinaki taitala tomitugaga
32 Avai tuta bilupaisi bilauwaisi wa laka bisetuwolaisi wala bilauwaisi,
33 lakatuluwovila tomota bilokaiasi paila kala visalili matauna,
34 Mwa, yoku kuvigikoni mwada bukupilasaigu mitaga bigimakava wala!