3 Ki kudoki avaka lokuuvagi duwosisia bibodi bisaiki vavagi bwaina baisa Yaubada,
4 Yaubada eikavilakaim e isailim okaboyakala,
5 Mwa, gala makawala, ka, paila uula saina mokuvavagi mitugaga;
6 Kidamwa bukuluki tuwam bimapu m mani avaka leiwasi,
7 Yoku gala kutagwala bukuvimom sopi availa matausina isomatasi,
8 Yoku m kwaraiwaga saina peula
9 Mokwita kwabuya kasi pilasi lokupaiki,
10 Mapaila kabosilagi eitavinaim wala eitapataim,
11 Bivigaki saina dubilikitakita e gala wala ibodi bukugisi avaka,
12 Ka, Yaubada isisu wa labuma mapilana saina walakaiwa,
13 E kukwatupoiga kawam,
14 Ki kudoki lowalowa saina poupou gala ibodi bigisaidasi
15 Ki, bogwa eitobu nanom bukulouya si keda tomitugaga
16 Igau gala bibudoki si tuta kaliga
17 Matausina goli kala tokowolova Yaubada,
18 Mitaga Yaubada wala leivigaki si kaisisu eipeula -
19 Tomitukwaibwaila imwasawasi deli tobubwaila igigilasi
20 Komwaidona si guguwa tomitugaga bidadaimisi wala
21 Mapaila Yobi, tuta baisa ibodi bukuvasosusi som Yaubada
22 Ibodi bukukwabikuwoli la vituloki isisaiki
23 Ibodi deli nanom watanawa bukukwaimilavau baisa Yaubada,
24 M goula komwaidona kuligaim;
25 E kaimapula, Yaubada Topeuligaga bukuvigaki m goula,
26 E tuta komwaidona bukudubumi wala Yaubada,
27 Avai tuta bukunigada baisa matauna bimapwaim goli,
28 E avaka komwaidona bukuvagi bogwa wala bukupeula;
29 Yaubada ivabu matausina ninasi walakaiwa,
30 Kidamwa yoku tobwaila deli bukuvagi avaka duwosisia,