3 Mwa, avaka eibisiki lopom e lokudokaimasi yakamaisi gweiluva makawala bulutuvalu?
4 Ka, kam leiya wala eivigaki kam silagi.
5 Ka tau matauna tomitugaga la kaitapa bogwa wala eimati biyuvisau bimata;
6 E kaitapa makaina ola bwala bimata.
7 Omitibogwa la kailoula peula, mitaga baisa tuta eisilibeibeu;
8 Matauna gala wala igigisi wota ililoula wala ila ikola;
9 sikula ibuluweu kaikela e iwai wala itoyaim.
10 Ka, kala yuwoyoula eikatupwanaisi opwaipwaia;
11 E kabovitukokola itavini wala itapatu matauna;
12 Omitibogwa la kaisisu peula, mitaga baisa tuta bigigadi wala molu;
13 Lelia bikomkuwosi wala wowola biwokuva
14 E ola bwala wala titoulela bipwasigiyogaya e bibiasi wala bilauwaisi ibakwaisi,
15 E avai tuta salipa bikatusokaisi la bwala paila bisimani -
16 Matauna deli tubula tokaliga ?
17 E kala luluwai bogwa bitamwau ola kaukweda deli goli ambaisa ambaisa;
18 Matauna bisilavi si valu tommomova,
19 Dalela bogwa wala biwokosi gala taitala bisisu tomomova.
20 Opilibomatu bila opilikwaibwaga komwaidona availa bilagaisi la kaliga bulogala matauna
21 Baisa makawala kasi mipuki matausina tomitugaga,