1 Ulo tuta kaliga bogwa eivakatitaikina e ulo yagisa eikusokusa wala;
2 Yeigu agigisi wala ammakawala tomota si katudewa baisa yeigu saina mmayuyugaga.
3 Mwa Yaubada kukwabwaili ulo biga.
4 Yoku bogwa lokukwatubodi ninasi,
5 Paila bigivakalela valu ikaibiga tau matauna biuwabu sala paila veiguwa mwada bisakaisi,
6 E baisa tuta tomota iuvisakaisi wala makwaina bigivakala baisa yeigu;
7 Ulo valam ivigaki makateki bakau.
8 E matausina availa availa eilivalasi mwada tomitukwaibwaila itutu uwosi paila agu gigisa,
9 E matausina availa availa ilivalasi mwada tokamaiaba
10 Mitaga kidamwa komwaidosi wala bimaisi itolisi omatagu,
11 Ulo tuta bogwa eikalisau; ulo nanamsa bogwa eimama;
12 Mitaga lubaigwa eilukwaigusi bogi eidokaisiga yam;
13 E ulo pikwaku mesinaku wala pikwakula Tuma,
14 Yeigu laka badoki tamagu,
15 Ki, ibodi bapikwaku avai vavagi tuvaila?
16 Avai tuta bakaliga bala wa Tuma e ulo pikwaku komwaidona gala wala bakaligai balau.