3 Ki, desi wala bukulilivalasi e gala avai tuta bipatu udomi?
4 Ka, kidamwa yeigu makawala yokomi,
5 Yeigu bakatupewolaimi metoya ogu kwatuloluta
6 Mitaga ulo bigatona komwaidona gala wala sitana ipilasi agu mmayuyu,
7 Mwa Yaubada, bogwa lokuyogugwesaigu;
8 Yoku bogwa kuyosaigu.
9 E deli kala leiya Yaubada matauna ikimimisaigu wala iwokuva;
10 Tomota iyosokanaigusi;
11 Yaubada bogwa eikasalaigu oyumasi tomitugaga.
12 Yeigu lasisu wala tomanum.
13 e matauna ikikalipupoiyaigu wala tomwaidogu iwokuva -
14 Matauna bwaina wala ibubasaigu makawala taitala tokabilia bitaboduvagasi dabala
15 Asikam ulo saigala e auvalam,
16 Auvalam tatoula wala ikulubweyani migigu,
17 Mitaga yeigu gala wala ikipwasa yamagu avai pakula,
18 O pwaipwaia, taga kukuboli sula makwaisina avaka leivigakaigusi!
19 Taitala agu topilasi eisisu wa labuma paila bipiaigu.
20 Lubaigwa iyosokanaigusi;
21 Ibodi wala availa bikayubabai paila yeigu,
22 Ulo tuta kaliga bogwa eivakatitaikina