3 Ka, gala taitala tokabitam ibodi bilivali biga mabigasina makawala yoku tuta baisa lokulilivali
4 Kidamwa bukuuvagi wala nanom titoulem, e gala wala availa ibodi bikukoli Yaubada;
5 Ka, m mitugaga kuiyomitali wala metoya om biga titoulem;
6 Ka yeigu gala togia wowogu bakamogaim;
7 Ki, kudoki yoku kusibogwa ovalu watanawa?
8 Ki kudoki bogwa kuligilabi avaka Yaubada la nanamsa leiuvagi?
9 Avai vavagi kunikoli yakamaisi gala kanikolaisi?
10 Ka yakamaisi ma kabitamsi lakasopelasi metoya matausina tommoyabogwa,
11 Yaubada magila bivisimolaim mitaga avaka paila kupupaiki?
12 Mitaga yoku iyowa lopom e kugidimilikaimasi deli m gibuluwa.
13 Yoku kugibuluwi Yaubada e kukwatuvigogu matauna.
14 Ki kudoki avai tau mokwita tomitukwaibwaila?
15 Ka, kugisa - Yaubada gala goli bidubumi la anelosi;
16 Mitaga tomota imomwaisi mitugaga makawala sopi.
17 E mwa, Yobi, kunakaigali balukwaim avaka ulo nikoli.
18 Ka, tomota tokabitam eivitulokaigusi avaka kamokwita metoya avaka eisopeilisi metoya baisa tumisia,
19 Osi valu gala wala togilagala isisuaisi
20 Tau matauna ilamidadi sala
21 Butula kabovitukokola bitilikikiki otaigala,
22 Matauna bikubu la keda e gala wala ibodi bisakauligili kaliga dudubalela,
23 e mluveka eitulotulasi paila bikomasi wowola.
24 Kabomwau la peula makawala taitala guyau saina topeuligaga,
25 Baisa makawala tau matauna kala mipuki bibani
28 Matauna goli eiyouli valu komwaidona
29 Matauna la kaisisu bikobaluluva mitaga tuta pikekita wala bitamwau;
30 e gala wala ibodi bisakauligili kaliga dudubalela.
31 Kidamwa la nagowa bikugwai e bidubumi wala mitugaga,
32 E igau gala bibudoki la tuta kaliga,
33 Matauna makawala tamtala waini matamna kaiuwala kwegigeyata ikaludubali;
34 Matausina gala inikolaisi Yaubada, gala wala bidalasi tuvaila,
35 Paila matausina goli tobubulesi nanamsa gaga deli tovagisi mitugaga;