1 Oda tutasi kaloubusi yakidasi komwaidodasi tomamama.
2 Takaitubwasi e taigiyagisi saina nanakwa, makawala lala,
3 Mwa Yaubada! Ki, ibodi bukugisaigu kaina,
4 Mina watanawa saina topupagatu,
5 Yoku lokunigibogwi kala kaduwonaku si momova baisa ovalu watanawa,
6 Ibodi bukumitilavi e bukuligaiwa mina watanawa.
7 Kidamwa kaitala kai bogwa biteyasi, makaina kala pikwaku isisu wala,
8 Ilagoli kailawalila bogwa eiyatomoyasi,
9 mitaga kidamwa deli sopi, makaina bitasusila makawala kaitala kaitubovau kai.
10 Mitaga kidamwa taitala tau bikaliga, e baisa kala vigimkovila matauna.
11 Makawala waya bisimwaisi titayelu
12 e makawala goli tomota bikaligasi, e gala tuvaila bitokaiasi.
13 Yeigu adoki mwada bukusipepunaigu wa Tuma,
14 Kidamwa taitala bikaliga, ki, ibodi bimovavau?
15 E wa tuta matutona yoku bukudou e yeigu batama.
16 E yoku bukuvitusi komwaidona avaka bauvagi,
17 Bukukwau makwaisina mitugaga e bukuligaiwa,
18 Igau kala kweluva bima avai tuta koya bikapusisi,
19 Sopi bikatudubuni dakuna,
20 Yoku kukwalisau taitala tau e kuyabi matauna bila bitamwauvagasi wala.
21 Litula ibanaisi kasi taimamila, mitaga gala avai tuta inikoli avaka.
22 Ilumkoli wala kala gidageda wowola titoulela,