3 Yeigu kamataiyu Yaubada ma kominimani, gala yokomi.
4 Yokomiga sopa wala ivakasauwaimi;
5 Kulamamsi, e tomota bidokaisi wala isim mi kabitam!
6 Ka, kuninakaigilasi, e bakamituliga avaka ulo nanamsa.
7 Avaka paila kusisasopasi?
8 Ki, kaina lokuvigikonaisi mwada bukukolaisi matauna?
9 Ka, kidamwa Yaubada bimitakavataimi, ki kudokaisi bibani avai vavagi bwaina?
10 Ilagoli bukukiumsi avaka mi nanamsa,
11 e kokola wala bivakasauwaimi metoya ola peula.
12 Bigivakala kwaitala kwaitala lokulilivalasi gala wala dimlesi,
13 Ka, ibodi bukukwapatusi, e sitanaga balivala,
14 Yeigu ibodi wala bavisilagi ulo momova.
15 Yeigu ulo pikwaku bogwa leiwokuva, e ammakawala kidamwa Yaubada bikatumataigu?
16 E kaina goli ulo tuvaluwa wala bikolaigu,
17 Mapaila ibodi bukunakaigalaisi bibwaina avaka ulo kamitabubula.
18 Yeigu bogwa bakamituli avaka nanogu,
19 Ki Yaubada, yoku mwada bukutabinakaigu ke?
20 Ka, ibodi wala banigada paila kwaiyu vavagi.
21 Wa, desi, taga kumipukwaigu, deli gala bukuvitukukolaigu.
22 Mwa ulo Yaubada, kulivala bikugwa, e yeigu bamapu m biga,
23 Ki, avaka ulo mitugaga? Kaina avai sula bogwa lavagi?
24 Avaka paila kutotubulokaigu?
25 Ki yoku mwada lokuvigikoni bukuvitukukolaigu?
26 Avaka lauvagi igau otubovaugu e leima lagaila,
27 Yoku kuyuwoli kaikegu.
28 E kala vigimkovila, yoku kuvigakaigu batamsomsila makawala kaimilapwasa,