1 Kuyuvaisi tauya. Kuyuvidousi odabala mapilana Saiyoni, Yaubada la koya kwebumaboma.
2 Yam makwaina kwedudubila deli yam kwegugugu,
3 Bikamdabwaisi kai makawala kova.
4 Kasi gigisa makawala wosa.
5 Biyuweitaulasi odubasi koya,
6 Tutala imaisi, tomota ikokolasi
7 Iyowaisi makawala tokwabilia,
8 kaina isuwaisi osi keda sesia.
9 Isuvaisi kulusi ovilouveka.
10 Pwaipwaia iigayega avai tuta bisuyaisi kulusi,
11 Guyau ibutupilapala la karaiwaga baisa la tokwabilia.
12 Guyau ikaibiga, kawala, “Baisa tuta goli
13 Kutugwalaisi ninami bikamituli mi ninamwau.
14 Kaina matauna Guyau mi Yaubada bivigivau nanola
15 Kuyuvaisi tauya wa Koya Saiyoni.
16 Kukougugulaisi tomota.
17 Tolula matausina iwotitalaisi Guyau
18 Oluvi Guyau ininavila paila la pwaipwaia,
19 Bogwa ivitakauloki si nigada,
20 Bavabutu minasina nipawa leimaisi metoyasi opiliyavata makawala budotala tokwabilia.
21 “E buyagu, ka, taga kukokolasi
22 Yokomi mauna, taga kukokolasi.
23 “Yokomi mina Saiyoni, bimwamwasila ninami.
24 Kabotutu makwaisina bikasewoki witi,
25 Basakaivauwaimi avaka bogwa lokukitumouwaisi
26 Baisa tuta bukuyosisi bidubadu paila bukukwamsi, e bukukomatasi.
27 E mina Isireli, ka - bukunikolaisi kidamwa yeigu asisu oluwalaimi,
28 “Igau oluvi baligabu ulo baloma baisa tomota komwaidosi.
29 Wa tuta makwaina baligabu ulo baloma
30 “Basaiki katumamatila paila yam makwaina
31 Kalasia igau bidavila binadudubila
32 Mitaga komwaidona availa availa matausina inigadasi baisa yeigu Guyau paila pilasi,