1 Baisa Guyau la biga baisa Yoweli, matauna Petuweli latula.
2 Yokomi tommoya nunumoya kunakaigalaisi,
3 Bukulukwaisi litumia paila baisa,
4 Yuwovila nipawa imaisi itoulisi wa bagula.
5 Yokomi tomomom kaibotutu, ka, kumamatasi kuvalamsi,
6 Yuwoveka nipawa makawala budotala tokwabilia eiyoulisi da pwaipwaiasi.
7 E minasina bogwa ikamkulovaisi matamsina da wainisi,
8 E yokomi tomota bukuvalamsi.
9 Gala isim witi kaina waini, avaka tomota bivigakaisi si semakavi wa Bwala Kwebumaboma.
10 Bagula isisuaisi pwaipwaiawokuva wala.
11 Yokomi tobigubagula bukukwavinavinasi,
12 Matamsina waini deli makaisina seuseu bogwa eimwailelasi.
13 Yokomi tolula kuuwotetilasi okabolula
14 Bukulukwaisi tomota kasi karaiwaga biposumasi.
15 La yam Guyau bogwa eivilalamila,
16 Tagigisasi wala gala kabovitakaula tutala da bagulasi ikomkulovaisi.
17 Yagogu imitamatasi opwaipwaia saina bidapakala.
18 Bulumakau kasi molu igilagelasi,
19 Mwa Guyau! Anigadaim,
20 E ka, mauna nabubolodila goli igilagelasi baisa yoku,