1 Aa medame nipuna ona naaki nogonu raapu lo-robaa padane sua piralimiri nimumi eta ragota page pa salimi.
2 Gore kogono naaki medame epe kone sua kogono palia rabu nipuna surube aana si-rupa piralia.
3 Adaa Aa-me niaa wae aa yapae epe aa yapae loa rumaa adolalo pea.
4 Wae agaa lo ipa awaalae agaa teme aanu nimumi mo nimuna wae agaa lape mada aane luyapainaloa waru pageme.
5 Gote-me onaa raayo warisa. Aa medalomame naara aanu-para ero loa wae agaa temere nimumi Gote-para teme.
6 Aa meda nipu ogae yalia pare nipuna akuaa naaki-nu piralimiri raana waru omalia.
7 Epe kone sua agaa temere kone na-i aanuna agaa-rupada nateme.
8 Omeme pua waea pape madaa aa medalomame mone oyae meme pare nipumi aba adea.
9 Aa medame nipuna adami aanu raapu epe-rupa pirano kone saliare nipumi aba pisade pupitagi pename namea salia.
10 Neme epe kone i aa meda raapu agaa maredo yaatalo palipiri agaa rana padane te rabu nipumi makuae yae aipapulu mealia.
11 Waea pi aame-re yada papena agaa agu marekaaya.
12 Neme mena-beana si ripina mua mea epali rabu kiraa mena nipu poraania madaaliri ne epaa tu naalia-rabu adaa radaa nali.
13 Gore nimumi aa meda epea pulalo paliri go aame wala wae yaeme abutea rabu oro yalo nipuna onaa nogo naaki luabu wae-rupa pirualimi.
14 Aa medame ratu yawe kone marekaliare ipa naaku robo sua ipa popenaloa poaya-rupa mada.
15 Adaa Aa-me go kone laapo gimi omea.
16 Naaki meda epe kone nasaliare nipuna aalu waeame regepe ta-pulu nipu makuae yae mada namealia.
17 Niaana adami aanumi oro yalo niaa raaname omeme.
18 Kone waru na-i aanumi aa medana yago nimumi abulalima loa nimumi mada na-abulape yapare pama yaa agaa teme.
19 Waea pape madaa raaname omea aamere wala yada pape madaa raana omo yada marekaaya.
20 Aa medame oro yalo wae kone su wae agaa agu teare nipu oro yalo epe-rupa mada napitia.
21 Aa medana simi epe kone nasaliare oro yalo aaraa nipu lo-robaa keda mu aalia.
22 Lo robaa kuma pua raana piamere marasini noa epe-rupa pimi-rupa mada pia.
23 Waea pi aa nipu koso pagape yapidi medame pa laga taliare omeme pua kabe reke mua koso maoyaalia.
24 Waru makuae aamere epe kone page epe pora waru ratea-pulu nipumi makuaya.
25 Aame wae maeyae kone rataliare go naakina agi aaraame lo robaa kedaa adaa mua nimuna kone-para oyalia.
26 Koso epe-rupa ta aa-para koso kabena temere gore naepeta.
27 Makuae yae waru mea aamere nipu agaa bebo nata.
28 Epe kone na-i aamere agaa loralia.