1 O Apo Dios, nete"ah din penghana ta nangamung ad ugwan ya He"ay nanalimun ay da'mi.
2 Ta"on hidin ami'idan tun duntug unu hidin agguymu nunlumuwan hitun luta
3 Ya inalim ay da'min tataguy,
4 Nan hinlibun tawon ay da'mi ya un hin'algaw ay He"a,
5 Ya un himbumaggay apogpoganmi an un ami ay mun'en'enap,
6 ya ag'aga ya immongol,
7 Umat hinay atom an mangubah ay da'mih nan bumungtam,
8 Ya i'innilam an amin di baholmi
9 Ya dumalat nan bungotmu ya hemme'he'dod di pi'taguanmi ya umale'alengeng ami,
10 Ya un napitu unu nawalu ya anggay di tawonmih un mabi'ah di odolmi,
11 Ya mid nanginnilah aat nan nidugah an bungotmu
12 At un ni' at da'mi ituduwan ta nan pohdom di hiyay atonmi eten he'he'dod an ataguanmi.
13 Apo Dios, adim ni' punnonngon di bumubungtam ay da'mi,
14 Ta hay ipattigmun da'mih abigabigat ya nan mid pogpogna an pamhodmu
15 At ipa'amlong da'mi ta mihukat hinan gunmi nunligatan an inyabulutmu,
16 ya ipattigmun da'min baalmuy nidugah an abalinam hinan imbabaluymi.
17 O Apo Dios an Apumi, maphod ni' un minaynayun di wagahmun da'mi