1 Ipabagbagtu' He"a ahan, Apo Dios,
2 Ma"am'amlonga' an gapun He"a,
3 Wa ay ta He"ay mihanggah nan buhul'u
4 Ya nahamad an makulug di punhumalyam
5 Mu hanan nun'appuhiy pangatdan Hentil hinan abablubabluy an adi umunud ay He"a
6 Ya pinogpogmu mahkay nan buhulmi ya ta"on nan babluyda,
7 Mu He"a, Apo Dios, di Alih enggana,
8 ya umannung an nahamad di atom an manumalyah nan tatagu,
9 Ya He"a, Apo Dios, di bumaliw hinan ma'abohlan,
10 Nan nanginnilan He"a di mangiyokod hi nitaguandan He"a
11 Mungkanta tu'uh nan pundayaw tu'un Apo Dios an Alid Jerusalem,
12 ti adina al'alliwan nan maligligatan,
13 At hom'ona' ni', Apo Dios,
14 ta way ato' an mangipattig hinan pangipabagbagtua' ay He"ah nan hinagang di tatagud Jerusalem,
15 Ti nan Hentil hinan abablubabluy an adi mangulug ay He"a, Apo Dios,
16 Mu impattig Apo Dios di ana'ahhamadna an dumalat nan maphod an panumalyana,
17 Ya an amin nan nun'appuhiy pangatna ya hay atoy umayana,
18 Mu nan nun'awotwot an tatagu ya adida ma'aliwan,
19 At adim ni' iyabulut an ngohoyon da'ah nan Hentil
20 ya pata'ton dida, Apo Dios,