1 Apo Dios, anaad ta bataanan da'min He"a,
2 Ti mumpahpahiya nan nun'appuhiy pangatdan tatagu,
3 Ti iyamlongdan ipabagtu nan nun'appuhin ninomnomdan aton,
4 Ya adida ibilang hi diosda unu nomnomon hi Apo Dios
5 Mu gun pumhod damdamay nitaguanda,
6 Ya hay ninomnomda ya alyonday,
7 Ya hiya ya an amin di hapitona ya idut, ya layah, ya nan atata'ot,
8 Ya mipo"oydah nan nibataan ta mumbota'dah maluh hi patayonda
9 Ya umatdah nan layon an mumbota' hi dapopona,
10 Ya matu"in nan ma'na ti mabi'bi'ahda ya un hiya,
11 ya alyon hanan nappuhiy pangatday,
12 At, Apo Dios, moltaom hanan tatagu,
13 Anaad nin ta hanan nappuhiy pangatda ya pihulon da'a?
14 Mu He"a, Apo Dios, ya i'innilam nan umipaligligat ya umipalungdaya,
15 At pogpogom di abalinan nan tatagun mangat hi nappuhi,
16 He"ay Alih mi'id pogpogna,
17 Apo Dios, inila' an donglom di luwalun nan mahmo' an tatagu ti al'alu'om dida,
18 Ya baliwam nan nguhu ya nan ma'abohlan,