1 Madayaw'a Apo Dios!
2 Ya nahophopan di odolmuh patal an ay inlubungmu,
3 Ya hidid daya an alpuwan di udan di nangiyammam hi nunhituwam,
4 Ya mabalin goh an baalom nan tuyup ya nan ilat ta atonday pohdom!
5 Ya nihamad di nangipabunam hitun luta,
6 ya pinhungmuh danum an ay linubungam,
7 Mu unat goh himmingal'a an umat hi idul di nanapitmuh nan danum ya inunudda,
8 an immayuhdah nan aduntuduntug ta numpapanguhdah nan nundotal,
9 Ya inyamman di igad ta way atondan adi bumahhel,
10 Mu inyammam hi obob nan aduntuduntug,
11 ta way inumon nan numbino'ob'on an a'animal hinan inalahan,
12 Ya nan hamuti an numpunhituh nan hapang di ayiw an himmangaw hinan pingit di ginnaw ya ahikakantada.
13 Impa'alim goh di udan ta danumana nan aduntuduntug,
14 At numpangahangawday numbino'ob'on an holo' an onon di baka,
15 an umat hinan greyp an miyammah bayah an mangipa'amlong hinan tatagu,
16 Ya ta"on nan nun'itanom an ayiw an ma'alih cedar ad Lebanon
17 at hidiy pumbuyaan nan ahamuhamuti,
18 Ya nan na'inam an gandeng ya hidih nan ata'nang an duntug di ihinanda,
19 Ya limmum goh nan bulan ta panginnilaan hi agtudan di himbulan,
20 Ya limmum di helong ta ma'alih mahdom,
21 an umat hinan layon an gun humeeheel an manganap hi onona an nan limmum an Dios.
22 Ya wa ay ta na'uy an mawa'ah ya numpumbangngadda an ayda mun'olo' hinan lingab,
23 mu nan tatagu ya hiyah ne pangete"andan muntamu ta engganah un mahdom.
24 Uya'ana, O Dios, an do'ol ahan di limmum hitun luta!
25 Ya umat goh hinan baybay an pa'addamuna
26 Ya hidi goh di owon di pupul hinan pumbaatana,
27 Ya an amin nan limmum ya He"ay pangedenlandah mangidat hi tanudda,
28 at nan idatmun dida ya hiyay ononda,
29 Mu wa ay ta inganuymu dida ya umod'o'od'odda,
30 Ya malmuday taguh tun luta ti idatam didah lennawada,
31 At maphod ni' hi un minaynayun di a'al'alyam, O Apu,
32 He"a ya unmu amangon tun luta at umalyog,
33 At hiyaat un ad ugwan an atagu' ya ikankantaa' nan Apu',
34 Ya ipa'am'amlong ni' nan pundayaw'u Hiya ti Hiyay nalpuwan di amlong'u,
35 ya maphod ni' hi unna pumpogpog nan nun'abaholan an tataguh tun luta,