1 Ya intuluy goh Solomon an nangulgud hi nipa"el an inalinay,
2 Nan itudu' ay he"a ya ma"ap'aphod,
3 Hidin a'ung'ungnga' hi wada' hi abung ama ya unna' oh'ohhan imbaluy ina,
4 ya intudtuduwana' ay ama an inalinan ha"in di,
5 At adim al'alliwan unu du'gon nan hinapihapit'u,
6 Ya adim inganuy hi Anomnoman ti Hiyay mangibaliw ay he"a,
7 At hay ma'ahhapul hi atom ya pot'om hi Anomnoman ta Hiyay engham,
8 Ti gulat ta pohdom Hiya at umannung an ipabagtu da'a,
9 Ya Hiyay mangidat ay he"ah mapmaphod an pulimyum an ay uklup di ali an iyuklupnah ulum.
10 At he"an imbaluy'u, donglom nan hapito',
11 Intuduwa' he"ah atom an paddungnay mi'yahawa ay Anomnoman,
12 At hay pundalanam ya mi'id ah humaliwan he"a,
13 Ya ihamadmu ta adim al'alliwan hanan intugun'u
14 Ya mahapul an adi'a mitnud hinan way ayan nan tatagun nappuhiy ato'atonda,
15 Mahapul an du'gom dida ta adim ahan aton nan nappuhi,
16 Ti adi umali enlo'da ta engganay unda aton di nappuhi,
17 Ya hay amnawandah ato'atonda ya nan nappuhi,
18 Mu nan dalan an pange'wan nan nahamad di pangatda
19 Mu nan dalan an pange'wan nan mangamangat hi nappuhi ya pa'ahhelong,
20 He"an imbaluy'u, ihamadmun ingaon tun hapito',
21 ta adim hin'ing'ingaon,
22 Ti nan mangabulut hitun itugun'u ya hiyay dumalat hi pi'taguanda ya pumhodanda,
23 at hay mahhun ahan hi atom ya hay panalimunam hinan nomnomom
24 Ya adim ahan hapiton nan agguy immannung,
25 Ya adim abuluton an mataktak nan ninomnommuh atom hinan nitaguam
26 ya mahapul an ihamadmuy aatmu ta an amin nan atom ya adi mibahhaw,
27 Ya mahapul an adiyu ihingngih nan nibahhaw an dalan,