1 Intuluy Solomon an nangulgud hi nipa"el an inalinay,
2 At atom ay hana ya maphod di nitaguam hitun luta,
3 Ya adim idinong an gun mangipattig hi pamhodmu ya ulaymuh nan i'ibbam an tagu
4 Ti gulat ta umat hinay atom at umannung an umamlong hi Apo Dios an mannig ay he"a,
5 Hi Apo Dios ya anggay di pange'kodam an amin hinan way ma'ma'at hi nitaguam,
6 Ya an amin di atom ya mahapul an nomnomom hi Apo Dios
7 Ya adim alyon hi nomnommuy unmu inilan amin di logom!
8 Ya manu ay alyo' hene ti hanan unudom di mangipabi'ah hi odolmu,
9 Adim aliwan an mangidawat ay Apo Dios an amin hi gina'um,
10 Ti gulat ta atom at ma"apnuy alangmu,
11 He"an imbaluy'u, adi'a madismayah un da'a ihingal ay Apo Dios hinan ibahhawam,
12 Ti gilaton Apo Dios an amin nan tatagun pohdona
13 Immannung an mawagahan nan taguh unna damuwon hi Anomnoman ti waday panginnilana
14 ti henen ay babai ya nidugdugah di hulbina ya un nan silver unu balitu'.
15 Hi Anomnoman ya aptan ahan ya un nan na'angnginan batu an ma'alih ruby,
16 Hi Anomnoman ya Hiyay dumalat hi dumu'du"oyan di ataguan hitun luta,
17 Immannung an hi Anomnoman ya ipa'amlongnay nitaguam,
18 Mipadenol nan tagun nanginnila
19 Dumalat hi Anomnoman ya limmun Apo Dios tun luta ya ad daya,
20 ya dumalat nan ay aginan hi Pun'awat ya limmuna goh
21 He"an imbaluy'u,
22 ti pumhod di ataguam hi unmu aton hana
23 Ya mi'id al'alin he"ah nan pundaldallanam hinan umayam ti adi'a mahalibdud,
24 ya adi'a tuma'ot hi un'a molo' ti immannung an ma'allenggop'a.
25 Ya adi'a goh tuma'ot hinan malgom an himbumaggan umipaligat
26 Ya hi Apo Dios goh di dumalat hi anatulidmu ti Hiyay mumpapto' ay he"a,
27 Ya adim iyukuh an bumadang hinan way munhapul hi badangmuh unmu abalinan,
28 at wada ay di umalin he"ah mumpabadang
29 Makulug an adi ahan maphod hi unmu nomnomon an aton di nappuhih nan heneggonmu
30 Ya adim pumbaholan nan taguh un mi'id ah dimmalat,
31 Ya adim amohan nan tagun mangat hi nappuhih nan ibbana,
32 Ya manu ay adim aton ti hi Apo Dios ya nidugah di boholnah nan tagun nappuhiy atonda,
33 Idutan Apo Dios nan mumpunhituh abung di tagun nappuhiy pangatna,
34 Boholon Apo Dios nan tagun mangipabagtuh odolda,
35 At nan immannung an nala'eng ya nanomnoman an tatagu ya malagbuandah a'e'gonan nan tatagun dida,