1 Intuluy Solomon an nangulgud hi nipa"el hinan imbaluynan inalinay,
2 Ya adalom di aton an luma'eng
3 Amnawam ahan Hiya ta luma'eng'a
4 Ipadahmuy abalinam an manganap hi luma'engam
5 Ya gulat ta atom hanan amin at innilaom mahkay di aat Apo Dios
6 Ya manu ay umat hina ti hi Apo Dios ya anggay di alpuwan Anomnoman,
7 Ya Hiya ya anggay di bumadang hinan tagun nahamad di pangatna,
8 Ya Hiya goh di mangipapto' hinan maphod di pangatna,
9 Ya gulat ta unudom tun tugun'u at immannung an innilaom di nahamad an pangat,
10 At he"a ya maphod hi un'a middum ay Anomnoman ta luma'eng'a,
11 ya ta"on un hi Abalinan an Manginnilah nan Na'ahhamad ya nan aginan hi Pun'awat
12 Hi Anomnoman ya itudunay maphod hi atom ta adim aton di nun'appuhin pumbaholan,
13 an nan tatagun nan'ug hinan nahamad an pi'taguan
14 Didan tatagu ya hay nappuhin ato'atonday iyamlongda,
15 Immannung an paddungnay napiku an numbino'ob'on di dalan hi dalanonda
16 Hi Anomnoman di bumadang ay he"a
17 ti ta"on hi un waday nabayag an ahawana mu tinaynana hiya,
18 Ya gulat ta umuy'ah abungna at umannung an umuy'ah nan babluy an mungngadan ad Atayan
19 Ya mi'id ahan ah ohah nan umuy an mangelo' ay hiyah mumbangngad hinan ay paddungnay nepto' an dalan,
20 At he"a ya mahapul an mitnud'ah nan mun'aphod an tagu
21 ti nan tatagun nahamad di pangatda ya anggay di mumpunhituh tun luta,
22 Mu ma'innila an nan mangamangat hi nappuhi ya mapogpogdah tun luta,